Նյուրբուրգրինգում ջարդուփշուր է եղել նոր սերնդի առաջին Toyota Supra-ն
Գերմանական Նյուրբուրգրինգի վազքուղու վրա ջարդուփշուր է եղել Toyota Supra մակնիշի նոր սերնդի առաջին սպորտային մեքենան:
Ինչպես հաղորդում է Motor.ru-ն, մեքենան պատկանել է հենց ճապոնական մեքենաշինական ընկերությանը, քանի որ այն վթարվել է այն ժամանակ, երբ մայրուղին փակված է եղել բացառապես ավտոարտադրողների փորձարկումների համար:
Նշվում է, որ «Սուպրայի» վարորդը կորցրել է մեքենայի վերահսկողությունը և բախվել է պարսպին: Վթարի հետևանքով խիստ վնասվել է մեքենայի թափքի դիմային հատվածը: Վարորդն ու ուղևորը չեն տուժել: Վթարից հետո կուպեն դեպքի վայրից հեռացրել են փակ բեռնատարով: