Դատավորը կպատժվի ճանապարհային ոստիկանության հետ կոնֆլիկտի համար (տեսանյութ)
Ստավրոպոլի շրջանի դատավորների խորհուրդը պահանջում է, որպեսզի Ստավրոպոլի Օկտյաբրսկի մարզային դատարանի դատավոր Ալեքսանդր Կորոբեյնիկովին պատասխանատվության ենթարկեն ոստիկանության աշխատակիցների հետ կոնֆլիկտի մեջ մտնելու համար: Այդ մասին հաղորդում է «Ինտերֆաքսը»`հղում կատարելով տարածաշրջանային դատավորների խորհրդի նախագահ Անդրեյ Կաբլովին:
Ըստ նրա, խորհուրդը ստուգում է անցկացրել և եզրակացրել, որ Կորոբեյնիկովը խախտել է դատական էթիկայի օրենսգրքի 4-րդ և 6-րդ հոդվածների 2-րդ մասերը: Հոդվածներում նշվում է, որ դատավորը պարտավոր է ենթարկվել Ռուսաստանի օրենքներին, սահմանադրությանը և պահպանել բարոյականության և էթիկայի ընդունված նորմերը: Բացի այդ, ընդգծվել է, որ Կորոբեյնիկովը չպիտի օգտագործի իր պաշտոնական դիրքը անձնական առավելություններ ունենալու համար:
Նիստի ընթացքում խորհրդի անդամները նշել են, որ դատավորը «կոպին է պահել իրեն, հրել է ճանապարհային ոստիկանության աշխատակցին, գործածել է ցենզուրայից դուրս արտահայտություններ, շահարկել է դատավորական անձեռնմխելիությունը»: Այժմ իրավախախտի ճակատագիրը որոշելու է դատավորների որակավորման կոլեգիան: