Բաքվի իշխանությունները մերժել են ընդդիմության հանրահավաքների հայտը
Բաքվի իշխանությունները մերժել են ընդդիմության դիմումը՝ մայիսի 5-ին և 11-ին «Մեխսուլ» մարզադաշտում հանրահավաք անցկացնելու մասին, հաղորդում է ադրբեջանական «Թուրան» գործակալությունը:
Ընդդիմադիրներին միավորող Դեմոկրատական ուժերի ազգային խորհրդի ներկայացուցիչ Իլհամ Հուսեյնովի փոխանցմամբ՝ հանրահավաքը նախատեսված էր «Ազատությո'ւն քաղբանտարկյալներին», «Ո'չ թալանին» կարգախոսների ներքո:
Եվրոպայի խորհրդի Խորհրդարանական վեհաժողովում Ադրբեջանի քաղբանտարկյալների հարցով զեկուցող իսլանդացի պատգամավոր Տորխիլդուր Վարսդոտիրի ուսումնասիրության համաձայն` Ադրբեջանում քաղբանտարկյալների թիվը շուրջ 130 է:
«Իշխանությունները ընդդիմության հանրահավաքը արգելում են արդեն 8-րդ անգամ՝ խախտելով Եվրոպայի խորհրդի առջև ստանձնած պարտավորությունները: Մենք դիմելու են դատարան, և եթե չլինի արդար որոշում, գործը կհասցնենք մինչև ստրասբուրգյան դատարան», - «Թուրան»-ի հետ զրույցում հայտարարել է Իլհամ Հուսեյնովը: