«Իհարկե, վախենում եմ». Զելենսկիի կինը խոսել է Ուկրաինայի առաջին տիկնոջ պարտականությունները ստանձնելու մասին
Ուկրաինայի նորընտիր նախագահ Վլադիմիր Զելենսկիի կինը՝ Ելենան, հարցազրույց է տվել BBC news Украина-ին, որում խոսել է երկրի առաջին տիկնոջ պարտականությունները ստանձնելու մասին:
Լրագրողի այն հարցին, թե ինչով է պատրաստվում զբաղվել երկրի առաջին տիկնոջ պաշտոնում, Ելենան պատասխանել է, որ այդ մասին դեռ չի մտածել:
«Եթե հնարավոր լինի, կցանկանայի զբաղվել այն բանով, ինչով զբաղվում եմ այժմ, այսինքն՝ Студия Квартал 95-ի (հումորային հեռուստաշոու – Tert.am) սցենարներով»,- խոստովանել է նորընտիր նախագահի կինը:
Ելենա Զելենսկին ընդգծել է, որ իր ներկայիս աշխատանքն իրեն առավելագույն հաճույք է պատճառում: Նա նաև հավելել է, որ կցանկանար բացակայել տեղեկատվական դաշտից, սակայն մոտ ապագայի վերաբերյալ հստակ ծրագրեր դեռ չի կազմել:
Այն հարցին՝ արդյոք չի վախենում, Ելենան դրական պատասխան է տվել՝ միաժամանակ հայտնելով, որ իրեն Ուկրաինայի առաջին տիկնոջ պաշտոնը ստանձնելու համար սկսել է տրամադրել Ամանորից ի վեր, երբ հայտնի է դարձել ամուսնու՝ նախագահական ընտրություններին իր թեկնածությունն առաջադրելու մտադրությունը:
Հիշեցնենք, որ երեկ Ուկրաինայում կայացել է նախագահական ընտրությունների երկրորդ փուլը, որին մասնակցել են Պյոտր Պորոշենկոն և Վլադիմիր Զելենսկին: Քվեների 95,06%-ի հաշվարկից հետո Զելենսկին հաղթում է 73,17% ձանով: