Թուրքիայում 15-17 տարեկանների ավելի քան 21 տոկոսն աշխատում է, իսկ Հայաստանո՞ւմ
եթե 2017թ․ Թուրքիայում 15-17 տարեկան երեխաներից աշխատում էր 20․3 տոկոսը, ապա 2018թ․ այդ ցուցանիշը հասել է 21․1 տոկոսի։ Ընդ որում՝ 2017թ․ աշխատում էր նշված տարիքային խմբի տղաների 28․5 տոկոսը, աղջիկների՝ 11․․8 տոկոսը։ Իսկ 2018թ․ աշխատող տղաների թիվը հասել է 30 տոկոսի, աղջիկների թիվը նույնն է մնացել։
Նշենք, որ 2018թ․ վերջի դրությամբ Թուրքիայի 82 մլն 3․882 քաղաքացիներից 22 մլն 920․000-ը կազմում են մինչև 17 տարեկանները։ Այս տարիքային խմբի ներկայացուցիչները 1970թ․ կազմում էին Թուրքիայի բնակչության 48․5 տոկոսը, 1990թ․ ՝ 41․8 տոկոսը, իսկ 2018թ․՝ 28 տոկոսը։
Կանխատեսումների համաձայն՝ 2040թ․ երեխաները կկազմեն Թուրքիայի բնակչության ընդամենը 23․3 տոկոսը, 2060թ․՝ 20․4 տոկոսը, իսկ 2080թ․՝ 19 տոկոսը։
Սա Թուրքիայում, իսկ որեւէ մեկին հետաքրքիր է, թե Հայաստանում 15-17 տարեկան քանի երեխա է աշխատում եւ ինչ պայմաններում, քանի օլիգարխի եւ իլիգարխիկի մոտ է աշխատում ստրկական կամ կիսաստրկական պայմաններով: