Թուրքիայում հայտարարել են, որ կշարունակեն մասնակցել F-35 կործանիչների արտադրությանը
Անկարան կշարունակի անդամակցել ամերիկյան F-35 հինգերորդ սերնդի կործանիչների արտադրության ծրագրին: РИА Новости-ի փոխանցմամբ՝ այս մասին հայտարարել է երկրի նախագահի մամլո քարտուղար Իբրահիմ Քալընը:
«Թուրքիան միայն F-35 կործանիչների գնորդը չէ, մենք շարունակում ենք գործընկեր լինել դրանց ստեղծմանն ուղղված ծրագրում», - լրագրողներին ասել է Քալընը:
Թուրքիան մտադիր է առնվազն 100 F-35 Lightining II կործանիչ ձեռք բերել: Գնման գործընթացը տեղի է ունենում F-35-ի մշակման բազմազգ ծրագրի շրջանակներում՝ ԱՄՆ հովանու ներքո: Տվյալ ծրագրին Թուրքիան միացել է 2002 թվականին:
ԱՄՆ Կոնգրեսն ավելի վաղ հայտարարել էր, որ մտադիր է դադարեցնել կործանիչների մատակարարումը Թուրքիային՝ ռուսական С-400 զենիթահրթիռային համակարգերը ձեռք բերելու Թուրքիայի մտադրության պատճառով: