Աստվածամոր տաճարի հրդեհը կանխամտածված չէր
Այս թեմայով
- Ֆրանսիայում ասել են, որ Փարիզի Աստվածամոր տաճարի վերականգնումը կտեւի ավելի քան հինգ տարի
- Ճարտարապետները 7 տարբերակ են առաջարկել Փարիզի Աստվածամոր տաճարը վերականգնելու համար
- Ինչպես է Աստվածամոր տաճարի տանիքում անհայտ անձը կրակ վառում․ (տեսանյութ)
- Փարիզի Աստվածամոր տաճարի մեղուները հրդեհից չեն վնասվել
Փարիզի դատախազ Ռեմի Էյտզը հայտարարել է, որ Փարիզի Աստվածամոր տաճարում չկանխամտածված հրդեհի վարկածը քննության համար գլխավոր վարկածն է, փոխանցում է ՏԱՍՍ-ը:
«Ոչ մի բան չի վկայում կանխամտածված գործողության մասին»,- երեքշաբթի լրագրողներին ասել է նա: Դատախազը տաճարի մոտ է եկել, որպեսզի անձամբ ղեկավարի քննչական գործողությունները: Նրա խոսքով՝ դրանց մասնակցում են դատախազության 50 աշխատակիցներ:
Փարիզի Աստվածամոր տաճարում խոշոր հրդեհը սկսվել է երկուշաբթի երեկոյան: Հրդեհի հետեւանքով փլուզվել էր ծայրաձողի վերին հատվածը, կրակով էր համակված կրող կառուցվածքը: Կրակի մարմանը ներգրավվել է մոտ 400 հրշեջ: Վկայակոչելով հրշեջ ծառայության ներկայացուցչին՝ Figaro պարբերականը հայտնել էր բաց կրակի չեզոքացման մասին: Ֆրանսիական լրատվամիջոցների տեղեկություններով՝ արտակարգ դեպքը կարող է կապված լինել վերականգնողական աշխատանքների հետ, տաճարի մի մասը ծածկված էր փայտով: