Ուլտրաձայնային հետազոտությունը ֆիքսել է՝ ինչպես են երկվորյակները «կռվում» մայրական արգանդում (տեսանյութ)
Բրիտանական Daily Mail պարբերականը հրապարակել է ուշագրավ տեսանյութ, որն արվել է հղի չինուհու որովայնային խոռոչի ուլտրաձայնային հետազոտության ժամանակ ու ներկայացնում է միաբջիջ երկվորյակների՝ մայրական արգանդում «կռվելու» պահը:
Տեսանյութն արվել է հղիության չորրորդ ամսում: Դրանում երևում է՝ ինչպես են պտուղներն իրար հարվածում թաթիկներով:
«Այնքան զավեշտալի էր տեսնել՝ ինչպես են դեռևս չծնված դուստրերս բռնցքամարտով զբաղվում: Եվ ես ամենևին էլ չէի ակնկալում, որ նրանք նախքան ծնվելն արդեն համացանցի աստղեր են լինելու»,-ասել է 28-ամյա հայրը:
Տղամարդը մանրամասնել է, որ երեխաներն արդեն ծնվել են ու միանգամայն առողջ են:
Ինչ վերաբերում է ուշագրավ տեսանյութին, ապա այն համացանցում ունի ավելի քան 2,5 մլն հավանում, 80 000-ից ավելի մեկնաբանություն: