Թուրքիան կարող է ռուսական С-400 համակարգերը ժամանակավորապես տեղակայել Ադրբեջանում
Թուրքիան կարող է Ռուսաստանի Դաշնությունից գնած С-400 «Տրիումֆ» զենիթահրթիռային համակարգերը ժամանակավորապես տեղակայել Ադրբեջանի կամ Քաթարի տարածքում: Այս մասին գրում է A Haber պարբերականը:
Պարբերականի սյունակագիր Օքան Մուդերիսօղլուն գրում է, որ իշխանությունների նման մտադրությունները, հավանաբար, կապված են ամերիկյան F-35 կործանիչներին չխանգարելու հետ:
Ավելի վաղ թուրքական կողմն առաջարկել էր կործանիչները տեղակայել մայրաքաղաք Անկարայից 600 կմ հեռավորության վրա գտնվող Մալաթիա քաղաքի ավիաբազայի տարածքում:
Հիշեցնենք, որ Ռուսաստանի Դաշնության և Թուրքիայի միջև С-400 համակարգերի մատակարարման շուրջ բանակցությունների մասին առաջին անգամ հայտնի էր դարձել 2016թ.-ի նոյեմբերին, իսկ վաճառքի մասին պայմանագիրը կնքվել էր 2017թ.-ի սեպտեմբերին, ընդ որում՝ ձեռք բերված զենիթահրթիռային 4 միավոր համակարգերի արժեքը 2,5 մլրդ դոլար է կազմել: Նշվում է, որ դրանց մատակարարումը Թուրքիա սպասվում է այս ամռանը: Թուրքիայի կողմից ռուսական С-400 համակարգերի գնմանը դեմ է Միացյալ Նահանգները: