Կանադայում օդի ջերմաստիճանն ավելի արագ է բարձրանում, քան աշխարհի մյուս մասերում
Կանադայում օդի ջերմաստիճանն ավելի արագ է բարձրանում, քան աշխարհի մյուս մասերում։
Դաշնային կառավարության կլիմայական զեկույցը նույնպես նախազգուշացնում է, որ փոփոխություններն արդեն ակնհայտ են երկրի շատ մասերում, եւ ըստ կանխատեսումների, կուժեղանան՝ հայտնում է BBC-ն։
Զեկույցում ենթադրվում է, որ դիտարկվող արդյունքներից շատերն արդեն անդառնալի են։
Կանադայում միջին տարեկան ջերմաստիճանը 1948 թվականից, երբ առաջին անգամ գրանցվել են ազգային ջերմաստիճանները, բարձրացել է մոտ 1․7 աստիճանով՝ ըստ Ցելսիուսի։
Ջերմաստիճանի ամենաշատ բարձրացում դիտարկվում է Բրիտանական Կոլումբիայի հյուսիսում։ Հյուսիսային Կանադայում միջին տարեկան ջերմաստիճանը բարձրացել է մոտ 2,3 աստիճանով։
Գլոբալ տաքացման ազդեցությունը Կանադայի շրջակա միջավայրի վրա ներառում է ավելի էքստրեմալ եղանակային պայմաններ։
Ավելի բարձր ջերմաստիճանը կարող է նշանակել շոգի ուժեղացում եւ հրդեհների, երաշտի վտանգ։
Սպասվում է, որ օվկիանոսները կդառնան թթվածնով ավելի քիչ հագեցած, ինչը նույնպես կարող է վնասել կենդանական աշխարհին։