Բանակցային գործընթացում նոր փուլ է սկսվել. Ալիևը մեկնաբանել է Փաշինյանի հետ հանդիպումը
Ադրբեջանի նախագահ Իլհամ Ալիևը հայտարարել է, որ Հայաստանի վարչապետ Նիկոլ Փաշինյանի հետ Վիեննայում կայացած բանակցությունները կառուցողական են եղել: Այս մասին հայտնում է Известия-ն՝ մեջբերելով Ալիևի խոսքը:
«Բանակցություններն անցել են կառուցողական միջավայրում: Սա երկարատև ընդմիջումից հետո Հայաստանի և Ադրբեջանի ղեկավարների միջև կայացած առաջին պաշտոնական հանդիպումն է: Նախորդ հանդիպումներն առավել ճանաչողական բնույթ էին կրում», - ասել է ադրբեջանցի նախագահը:
Նա նշել է նաև, որ բանակցային գործընթացում նոր փուլ է սկսվել, սակայն ձևաչափը չի փոխվել:
Հիշեցնենք, որ այսօր կայացել է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջին պաշտոնական հանդիպումը: ԵԱՀԿ ՄԽ համանախագահներն էլ իրենց հայտարարության մեջ նշել են, որ հանդիպումն անցել է դրական և կառուցողական մթնոլորտում: