Տարիքին զուգահեռ՝ մարդու մոտ կյանքի նկատմամբ ավելի դրական հայացք է ձեւավորվում. գիտնականներ
Տարիքին զուգահեռ՝ մարդու մոտ կյանքի նկատմամբ ավելի դրական հայացք է ձեւավորվում: Գիտնականները պարզել են, որ մարդը որքան մեծանում է, այնքան ավելի քիչ է կենտրոնանում բացասական զգացումների վրա:
Հետազոտության շրջանակում 10-ից մինչեւ 85 տարեկան մոտ 10 հազար մարդ հանձնել է էմոցիոնալ զգայունության թեստ, փոխանցում է Medical Express-ը: Թեստն օգնել է, մասնավորապես, որոշել, թե մարդը որքան լավ է զգացումները որոշում ըստ դեմքի արտահայտության:
Փորձարկվողները փորձի ընթացքում ցուցադրվող պատկերներում պետք է որոշեին ամենաչարացած եւ ամենաուրախ դեմքերը: Գիտնականները դրա շնորհիվ հնարավորություն են ստացել գնահատելու, թե որ տարիքում են դիտվում արտաքին էմոցիոնալ դրսեւորումների ընկալման փոփոխությունները:
Պարզվել է, որ դեմքի զայրացած արտահայտության ընկալունակությունը սաստիկ մեծացել է դեռահասության վաղ եւ միջին տարիքում: Հենց այս տարիքում են դեռահասներն առավել հակված բուլինգին (թունավորմանը):
Մինչդեռ ծերանալուն զուգահեռ՝ վախի եւ զայրույթի դրսեւորումների հանդեպ զգայունությունը նվազում է, մինչդեռ ուրախության նշանների հանդեպ ընկալունակությունն անփոփոխ է մնում: