«Դա ամենատխմար գաղափարն է, որ երբևէ լսել եմ». Թրամփի կուսակիցը՝ Սիրիայից ամերիկյան զորքի դուրսբերման որոշման մասին
Ամերիկացի հանրապետական սենատոր Լինդսի Գրեհեմը նախագահ Դոնալդ Թամփի՝ մինչև ապրիլի 30-ը Սիրիայից ամերիկյան զորքի դուրսբերման մասին որոշումն «ամենատխմար գաղափար» է անվանել, գրում է vox.com-ը:
Հաղորդվում է, որ Գրեհեմը վեճի է բռնվել ԱՄՆ ռազմական գերատեսչության ղեկավարի պաշտոնակատար Պատրիկ Շանահանի հետ, երբ հարցրել է վերջինիս՝ ճիշտ է արդյոք, որ ԱՄՆ-ն ծրագրում է մինչև ապրիլի 30-ը դուրս բերել զորքերը Սիրիայի տարածքից:
«Դա ամենատխմար գաղափարն է, որ երբևէ լսել եմ»,- ասել է Գրեհեմը՝ դրական պատասխան ստանալով: Սենատորը նաև իր խոսքում անպարկեշտ բառ է օգտագործել:
Հիշեցնենք, որ փետրվարի սկզբին Թրամփը չէր բացառել Սիրիա ու Աֆղանստան ամերիկյան զորքի վերադարձը: