Մակրոնը հայտնել է համացանցում ատելության դեմ օրենք պատրաստելու մասին
Ֆրանսիայի նախագահ Էմանուել Մակրոնը հայտնել է, որ գարնանը խորհրդարանի քննարկմանը կներկայացվի օրինագիծ, որն ուղղված է համացանցում ատելության դեմ, եւ կոչ է արել ուշադրություն դարձնել այս ոլորտում Գերմանիայի փորձին, փոխանցում է «ՌԻԱ Նովոստի»-ն:
«Մայիսից պատգամավոր Լետիսիա Ավիան խորհրդարան կներկայացնի համացանցում ատելության դեմ պայքարի մասին օրինագիծը»,- ասել է Մակրոնը՝ ելույթ ունենալով Հրեական կազմակերպությունների խորհրդի (Crif) ամենամյա ժողովում:
Նրա խոսքով՝ այս ոլորտում Գերմանիայի փորձն արդյունավետ է:
«Այս իմաստով մենք պետք է ոգեշնչվենք նրանով, որ մեր գերմանացի հարեւանները կարողացել են անել արդյունավետ եւ պրագմատիկ ձեւով. սահմանել իրավաբանական պատժամիջոցներ՝ դրամական եւ քրեական, պատասխանատվության ենթարկել ինչպես մարդկանց, այնպես էլ համացանցային հարթակները»,- նշել է Ֆրանսիայի նախագահը: