«Մեքենան զրահապա՞տ է». Էրդողանի՝ Պուտինին ուղղված հարցը շարժել է Ռոհանիի ծիծաղը (տեսանյութ)
Թուրքիայի նախագահ Ռեջեփ Թայիփ Էրդողանն օրերս Սիրիայի հարցով Սոչիում կայացած ՌԴ-Իրան-Թուրքիա եռակողմ գագաթնաժողովի ժամանակ հարցրել է Ռուսաստանի նախագահ Վլադիմիր Պուտինին, թե արդյոք մեքենան, որով իրենք պետք է երթևեկեն, զրահապատ է, թե ոչ:
«Ռոսիա-1» հեռուստաալիքի եթերում հայտնված կադրերում երևում է, որ Էրդողանը շենքից դուրս է գալիս և մոտենում մեքենային, այնուհետև շրջվում ու, մատնացույց անելով մուգ կապույտ մեքենան, հարց է ուղղում Պուտինին: ՌԴ ղեկավարն ի պատասխան նշել է, որ տարածքը պաշտպանված է:
Թուրքական «Բիրգյուն» պարբերականը նկատել է, որ այդ ընթացքում նրանց կողքին գտնվող Իրանի նախագահ Հասան Ռոհանին չի կարողացել թաքցնել ծիծաղը: