Երիտասարդ աղջիկը որոշել է դրամական տույժ գանձել շատ ուշ տուն եկող իր ընկերոջից
Reddit սոցցանցի օգտատերերից մեկը հայտնել է, որ որոշել է տույժ գանձել իր ընկերոջից՝ ուշ տուն գալու համար, գրում է The Daily Star-ը: Ամեն ուշացման համար երիտասարդ աղջիկը 50 դոլար տույժ է սահմանել իր սիրելիի համար, և այն գանձվում է, եթե նրա ընկերը տուն է գալիս առավոտյան ժամը 4-ից ավելի ուշ:
Զույգը միասին է ապրում արդեն երկու տարի: Ժամանակին աղջիկն ինքը չէր փայլում օրինակելի վարքով և մոր մահից հետո հաճախ մինչ ուշ գիշեր մնում էր բարերում՝ անգամ մոռանալով լիցքավորել հեռախոսի մարտկոցը:
Սակայն հանուն սիրելիի նա փոխել է իր կենսակերպը, իսկ այժմ էլ անպարտաճանաչ է դարձել տղան: Աղջիկը բողոքել է, որ իր զուգընկերը հանգստյան օրերին տուն է գալիս առավոտյան ժամը 3-4-ին:
Տղամարդը, սակայն, չի ցանկացել փոխզիջման գնալ ու փոխել վարքը նույնիսկ լուրջ խոսակցություններից հետո: Այն ժամանակ, երբ աղջիկը հասկացել է, որ չի կարող համոզել նրան, դիմել է տույժեր գանձելու արտառոց մեթոդին: