Լիոնում ձերբակալել են Հայաստանի, Վրաստանի և Ադրբեջանի քաղաքացիների
Լիոնում ձերբակալել են հանցավոր խմբավորման անդամներ, որոնք Հայաստանի, Վրաստանի և Ադրբեջանի քաղաքացիներ են: Նրանք գործել են Ֆրանսիայում և Բելգիայում: Այս մասին հայտարարել է Վրաստանի կենտրոնական քրեական ոստիկանության դեպարտամենտի տնօրեն Վլադիմիր Բորցվաձեն՝ «Գրուզիա օնլայն»-ի փոխանցմամբ:
Նրա խոսքով՝ դեկտեմբերի 10-ին Լիոնում իրականացվել է VORS 69-01 անվամբ մասշտաբային հատուկ գործողություն: Ձերբակալվածների թվում երկու վրացի օրենքով գողեր են:
Կասկածները նախօրոք ընտրել են կողոպուտի համար բնակարաններ, մշակել այդ բնակարանների վերաբերյալ տվյալները, որից հետո կողոպտել են դրանք: Նրանք նաև ավտոմեքենաներ են գողացել, զբաղվել են կեղծ փաստաթղթերի պատրաստմամբ և թմրամիջոցների առևտրով:
Գործողության մեջ ներգրավված է եղել ավելի քան 300 իրավապահներ Ֆրանսիայից, Բելգիայից և Վրաստանից: