Թուրքիայում պատասխանել են եվրոպական բանակ ստեղծելու Մակրոնի առաջարկությանը
Թուրքիայի նախագահ Ռեջեփ Թայիփ Էրդողանի գլխավորած Արդարություն և զարգացում կուսակցության (ԱԶԿ) մամլո քարտուղար Օմեր Չելիքը չորեքշաբթի օրը համաեվրոպական բանակ ստեղծելու գաղափարը անվանել է ՆԱՏՕ-ի պառակտում՝ գրում է segodnya.ua-ը։
«Այս թեման ակտիվորեն քննարկվում է, բայց ասում են, որ այն այլընտրանք չի դառնա ՆԱՏՕ-ի համար։ Դեռ հինգ տարի առաջ նման նախաձեռնությունն անհնար էր։ Մերկելը հայտարարել է, որ Եվրոպան պետք է ինքնուրույն հոգ տանի իր մասին: Սա վկայում է Արևմուտքում պառակտման մասին»,- ասել է Չելիքը։
Միևնույն ժամանակ, ԱԶԿ-ի խոսնակը նաև նշել է, որ «ոչ ՆԱՏՕ-ն, ոչ էլ ողջ եվրոպական բանակը չեն կարող ապահովել Եվրոպայի անվտանգությունը` առանց Թուրքիայի աջակցության»: