Իտալիայում հեքիաթային դղյակը վարձակալության է տրվում ընդամենը 100 դոլարով (լուսանկար)
Իտալիայի Աբրուցո մարզի Ռոկասկալենյա գյուղում 700 քմ տարածքով դղյակը վարձակալության է տրվում 100 դոլարով: Այս մասին հայտնում է CNN-ը:
Դղյակը վարձով է տրվում հարսանիքների, տոների, երեկույթների և այլ միջոցառումների անցկացման համար: Ցանկացողները նշված գումարով կարող են մուտք գործել դղյակ:
Դղյակը տեղավորում է մոտ 100 հոգի և գտնվում է լեռան գագաթին. այնտեղ կարելի է հասնել միայն ոտքով:
Վայրը, որտեղ խոյանում է դղյակը, ստացել է «Մահվան հովիտ» անվանումը: Այն դարեր շարունակ տուժել է բարբարոսների ու ծովահենների ներխուժումներից:
Ռոկասկալենյայի գյուղապետը հույս ունի այս կերպ զբոսաշրջիկների ուշադրությունը հրավիրել դեպի հետզհետե դատարկվող գյուղը: