Ճապոնական Հոկայդո կղզում սառցե ավան են կառուցում
Հանգստավայրում ամեն ինչ պատրաստված է լինելու սառույցից:
Ճապոնիան կօգնի զբոսաշրջիկներին հայտնվել ձմեռային հրաշքների աշխարհում:
Այստեղ ամեն ինչ՝ մատուռը, հյուրանոցը, բլուրները կլինեն սառույցից,
հաղորդում է experttur.com-ը:
Կառուցման համար ընտրվել է Ճապոնիայի ամենահյուսիսային կղզին՝ Հոկայդոն, որտեղ ձմռանը միջին ջերմաստիճանը մոտավորապես -22 է:
Սառցե հյուրանոցում ամեն ինչ՝ պատերը,
առաստաղը, կահույքից մինչև բաժակները սառույցից են: Սառցե բարն առաջարկում է
սառցե բաժակների մեջ մատուցվող ավելի քան 50 տեսակի կոկտեյլներ:
Սառցե խորանարդները պատրաստված են Դայսեցուզան հրաբխային խմբի ստորգետնյա գետերի ջրից:
Այստեղ երեխաներին նույնպես հետաքրքիր կլինի. օճառի պղպջակների
պատրաստումը, սառցե գործիքներով զբաղվելը և սառույցից ապակի պատրաստելը: