«Սպիտակ» ֆիլմը Հայաստանի կողմից «Օսկար»-ի է ներկայացվել
Աշխարհի 87 երկիր, այդ թվում՝ Հայաստանն իրենց ֆիլմերն են ներկայացրել հեղինակավոր «Օսկար» կինոմրցանակաբաշխության «Լավագույն օտարալեզու ֆիլմ» անվանակարգում ներառվելու համար:
Ինչպես նշում է variety.com-ը, Հայաստանը ներկայացրել է ռեժիսոր Ալեքսանդր Կոտի՝ 1988թ. ողբերգական երկրաշարժի մասին «Սպիտակ» ֆիլմը:
Ինչ վերաբերում է հարևան պետություններին, ապա Վրաստանից ներկայացվել է Զազա Խալվաշիի «Նամմե»-ն, Իրանից՝ Վահիդ Ջալիլվանդի «Ո՛չ ամսաթիվ, ո՛չ ստորագրություն»-ը, Ռուսաստանից՝ Կոնստանտին Խաբենսկիի «Սոբիբոր»-ը, իսկ Թուրքիայից՝ Նուրի Բիլգե Ջեյլանի «Վայրի տանձենին»:
Աղբյուրը մանրամասնում է, որ մրցանակաբաշխության տարբեր անվանակարգերում թեկնածուները հայտնի կդառնան հունվարի 22-ին, մինչդեռ բուն միջոցառումը կանցկացվի փետրվարի 24-ին՝ Լոս Անջելեսի «Դոլբի» սրահում:
Հայտնի է, որ դա կլինի «Օսկար»-ի 91-րդ մրցանակաբաշխությունը: