Հարկային օրենսգրքի փոփոխությունները բյուջեում արտացոլված չեն. Կա լրացուցիչ հարկեր հավաքելու հնարավորություն. Նախարար
Մենք չենք համարում, որ 2019 թվականի բյուջեն վերջն է եւ այլեւս անելիք չկա. կարծում ենք, որ կա լրացուցիչ հարկեր հավաքելու հնարավորություն: Այս մասին այսօր՝ հոկտեմբերի 4-ին, լրագրողների հետ հանդիպման ժամանակ նշել է ՀՀ ֆինանսների նախարար Ատոմ Ջանջուղազյանը՝ ներկայացնելով 2019 թվականի պետական բյուջեի նախագիծը:
Նրա խոսքով, կան բազմաթիվ լավ ծրագրեր, որոնք իրենց տեղը չեն գտել բյուջեի մեջ, որովհետեւ չկան այդ հնարավորությունները, որ այդ ծրագրերը ներառելով պարտքեր չեն առաջանա:
Նախարարը նկատեց, որ 2019 թվականի բյուջեի նախագծում Հարկային օրենսգրքի փոփոխությունները արտացոլված չեն, որովհետեւ դրանք դեռ քննարկման փուլում են. «Քննարկումների արդյունքում ինչին որ կհասնենք, դա կներկայացվի Ազգային ժողով, կքննարկվի եւ դրանք, կարծում ենք, որ կլինեն հավասարակշռված»: