Հայաստանի հետ հարաբերությունները բոլոր ուղղություններով զարգանում են. Պուտին
Ռուսաստանի եւ Հայաստանի հարաբերությունները բոլոր ուղղություններով առաջընթաց զարգացում ունեն, հայտարարել է ՌԴ նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ բանակցությունների ժամանակ, հայտնում է «ՌԻԱ Նովոստի»-ն:
Հանդիպման սկզբում ՌԴ նախագահը նշել է երկկողմ հարաբերությունների առանձնահատուկ բնույթի մասին: «Այսօրվա դրությամբ Ռուսաստանի եւ Հայաստանի հարաբերությունները բոլոր ուղղություններով առաջընթաց զարգացում ունեն: Ինչ վերաբերում է քաղաքական հարաբերությունների ոլորտին, ռազմական ոլորտին, անվտանգության հարցերին, տնտեսական համագործակցությանը… Պատրաստ եմ ժամը համեմատել մեր ընթացիկ փոխգործակցության եւ երկարաժամկետ հեռանկարի առիթով»,- ասել է Պուտինը՝ շեշտելով Հայաստանի ներդրումային ոլորտում Ռուսաստանի առաջնորդությունը:
Նա նշել է էներգետիկայի ոլորտում համագործակցության մասին՝ նշելով Հայաստան ռուսական գազի մատակարարման ցածր գները, ինչպես նաեւ հիշատակելով ատոմային եւ ջերմայյին էներգետիկան:
«Հարաբերությունները զարգանում են ե՛ւ մետաղագործության, ե՛ւ մեքենաշինության ոլորտներում: Մի խոսքով՝ մենք խոսելու բան ունենք»,- հավելել է Պուտինը՝ նշելով անցյալ տարի ապրանքաշրջանառության գրեթե 30 տոկոսով աճը եւ ընթացիկ տարվա արդյունքներով ցուցանիշի բարձրացման հույս հայտնելով:
Լուրեր Հայաստանից - NEWS.am