Ինչու են շները սիրում մեքենայի պատուհանից դուրս հանել գլուխը
Հարավային Ավստրալիայի պրոֆեսոր, կենդանաբան Քրիս Դենիելսը պատմել է, որ վերջին 20 տարում ակնհայտ է դարձել, որ շատ կենդանիներ եւ ոչ միայն կաթնասունները, սիրում են ուրախանալ: Նրանց դուր է գալիս բարդ ապրումներ ունենալը, հաղորդում է «Մոյա պլանետան»:
Սակայն ընթացող մեքենայից գլուխը հանելը ամեն մի շան չէ, որ ուրախացնում է: Շատ ցեղատեսակներ չեն սիրում այդպես վարվել, քանի որ շան գլուխը անհավանական զգայուն կառուցվածք է, որն ունի բազմաթիվ սենսորներ, ուստի օդի հոսքերի ուժեղ ճնշումը շների մոտ զգայական գերբեռնվածություն է առաջացնում: Պրոֆսեոր Դենիելսը կարծում է, որ միայն հատուկ շներն են հակված նման զվարճանքին: Հետեւաբար եթե ձեր շունը սիրում է մեքենայի պատուհանից դուրս հանել գլուխը, դա վկայում է նրա համարձակ բնավորության, արկածների հակվածության եւ սուր զգացողությունների սիրահար լինելուն: