Թուրք–ամերիկյան լարվածության ֆոնին թուրքական լիրան արագ արժեզրկվում է
Թուրական ազգային արժույթը օգոստոսի 7–ին հերթական ռեկորդն է գրանցել դոլարի հանդեպ՝ կազմելով մեկ դոլարի դիմաց 5.37 լիրա։
Թուրքիայի կենտրոնական բանկը օգոստոսի 6–ին պահուստներից 2.2 մլրդ դոլար էր հանել շուկա, որպեսզի կանգնեցնի լիրայի արժեզրկումը, սակայն այդ հսկայական ծավալի ինտերվենցիան ընդամենը ժամանակավոր էր կանգնեցրել աճը, քանի որ արդեն օգոստոսի 7–ին դոլարի կուրսը 5.20–ից հասավ 5.37–ի։
Նշենք, որ 2016–ի հեղաշրջման փորձից հետո Իզմիրում ձերբակալվել է տեղի կաթոլիկ եկեղեցիներից մեկի ամերիկացի պաստոր Էնդրյու Բրանսոնը՝ հեղաշրջման փորձի մեջ մեղադրվողների եւ PKK–ի զինյալների հետ կապեր ունենալու մեղադրանքով։
Այս համատեքստում ԱՄՆ–ը պահանջել է ազատ արձակել Բրանսոնին, սակայն բացասական պատասխան ստանալուց հետո ամերիկյան կողմը պատժամիջոցներ է սահմանել Թուրքիայի ՆԳ եւ Արդարադատության նախարարների դեմ, որից հետո թուրքական լիրան ողբերգական անկում է ապրում։