1USD = AMD
1EUR = AMD
1RUB = AMD
Այսօր՝ 20 ապրիլի 2019թ., 00:00
Գանայում առեւանգել են Էստոնիայի պատվավոր հյուպատոսին Քաշքշուք «Սպիտակցի Հայկոյի» մասնակցությամբ 108-ամյա տատիկի երկարակեցության գաղտնիքը Փարիզում ցուցարարները սկսել են մեքենաներ այրել (Ուղիղ միացում) Թեժ է լինելու․ Սոբչակի եւ Վոլոչկովայի մենամարտը՝ հեռուսատատեսության ուղիղ եթերում ԱՄՆ-ում կոտրել են դեպի Հայոց ցեղասպանության զոհերի հուշահամալիր ուղղորդող ցուցանակը ՄԻԵԴ-ը ապրիլի 25-ին կհրապարակի «Տեր-Պետրոսյանն ընդդեմ Հայաստանի» վճիռը. Գործը վերաբերում է 2008-ի մարտի 1-ին Փաշինյանը խոստումները կատարել է, իսկ մուրացկան երեխաների թիվն՝ ավելացել Լիտվայում «խմած» երեխա է ծնվել Ինքնասպանությունից առաջ Պերուի նախկին նախագահը գրություն է թողել Ղազախստանում ավտոպատահարի հետևանքով ավելի քան 1 տասնյակ մարդ է զոհվել. կան տասնյակ տուժածներ Պերուի նախկին նախագահ Պեդրո Պաբլո Կուչինսկին դատապարտվել է 36 ամիս պայմանական ազատազրկման ՌԴ պաշտպանության նախարարությունը հրապարակել է հայ մարշալի եզակի լուսանկարը Առանց երեք երեխա ունենալու նախարար դառնալ չես կարող Տեղի է ունեցել Իմամօղլու-Էրդողան առաջին հանդիպումը Ֆրանսիան տանկեր է մոտեցրել Ռուսաստանի սահմաններին Դոնալդ Թրամփը մեղադրել է Մյուլլերի հետաքննության օգնականներին Ավագ շաբաթ. Ճրագալույց Զատկի Իրանում կանայք մարզադաշտում ֆուտբոլային հանդիպումներ դիտելու համար ստիպված են տղամարդ ձևանալ (լուսանկարներ) Ցեմենտի ներքո տեղի ունեցած իրական բախումը. ի՞նչը պետք է բաժանել ցեմենտից բացի Հայաստանի քաղաքացուն ոստիկաններն իջեցրել են օդանավից Մոսկվա-Տյումեն թռիքչի ժամանակ ծխելու համար «Երկու պետություն՝ մեկ նպատակ. հայ-ռուսական դաշնակցությանն անհրաժեշտ է նոր ճարտարապետություն». Միքայել Մինասյանի հոդվածը Երեկ կայացավ Պորոշենկո-Զելենսկի բանավեճը «Շաքար» հարաբերություններ. Հրաչյա Հակոբյանը Ալեքսանյանի քրոջ որդու համար միջնորդել է Արարատի մարզպետին Լիլիթ Հովհաննիսյանի ինքնազգացողությունը վատացել է համերգի ժամանակ (Տեսանյութ) Արհեստական ժպիտը կարող է բարձրացնել տրամադրությունը. գիտնականներ Անգլիայի թագուհու նվերը բացահայտել է Հարիի և Մեգանի ապագա երեխայի սեռը Ցեղասպանության տարելիցը որոշվել է պետական մակարդակով մոռացության մատնել. իշ­խանությունն իր հաղթանակի 1-ամյակն է նշում Փարիզի Աստվածամոր տաճարի մեղուները հրդեհից չեն վնասվել Պորոշենկոն «խղճուկ» տեսք ուներ. Սաակաշվիլին՝ Ուկրաինայի նախագահի թեկնածուների բանավեճի մասին Ի՞նչ աշխատավարձի բարձրացման մասին է խոսում վարչապետը. կուտակային կենսաթոշակային համակարգի 5 տոկոսը 2,5 տոկոս դարձնելո՞ւ Որքանո՞վ է «զուսպ» Համազասպ Դանիելյանը. «Իմ քայլի» պատգամավորի ունեցվածքը Վարչապետը շահագրգռված չէ Դավիթ Սանասարյանի հարցի քննարկմամբ «Իզմ»-եր, այնուամենայնիվ, պետք են. մայիսին կայանալիք ՔՊԿ համագումա­րում ընդունվելու է կուսակցության նոր ծրագիրը Փարիզի Աստվածամոր տաճարի վանահայրը չի բացառում, որ հրդեհի պատճառը համակարգչային համակարգի խափանումն էր Երևանը վարում է իրական բանակցություններ՝ առանց Ղարաբաղի մասնակցության․ Մ. Կոլերով Երգչուհի Ադելը բաժանվել է ամուսնուց Գարեջրի շնորհիվ Անդերում հնագույն կայսրությունը չէր պատերազմում 500 տարի շարունակ Զվարթնոցի տաճարը՝ Փարիզի սրտում. 800 տարի առաջ ֆրանսիացի արքան հայկական տաճարն ընտրել է որպես զարդանախշ Արտակ Զեյնալյանի դիմումը՝ լուրջ սկանդալի պատճառ. Գագիկ Հարությունյանի լիազորությունները կդադարեցվե՞ն Բավականին նվազել են բնակչության կողմից էլեկտրաէներգիայի սպառման ծավալները Արցախում 17-ամյա տղան 10-ամյա եղբորը սպանել է համակարգչային խաղի ազդեցության տա՞կ Հայաստանի 5 քաղաքներում ձյուն է տեղում Օրվա հանդիպումների անոնս Հանգիստ նստեք տեղներդ․ Դավիթ Սանասարյանը՝ «իր անվան հետ խաղացողներին» Չինաստանն ուսումնասիրում է Լուսնի վրա մարդ իջեցնելու հնարավորությունը Կարո Փայլանը կոչ է արել ազատ արձակել Օսման Քավալային եւ մյուս մտավորականներին Նիկոլ Փաշինյանը ներողություն չի խնդրի մաքսատան աշխատողից Իսրայելը ստեղծել է հրթիռներ, որոնք կարող են դիմակայել ռուսական Ս-300-ներին Ներթիմային գզվռտոց. Ավինյանի մտերիմը՝ սուպերփոխնախարարի հավակնորդ ընդդեմ Նազենի Ղարիբյանի «Լրիվ իրականության զգացողությունը կորցրել ես». Փաշինյանը շատ կոշտ խոսակցություն է ունեցել Ջանջուղազյանի հետ Արմեն Գեւորգյանի պաշտպանները դիմել են ՄԻՊ-ին Սամվել Բաբայանի թեման «փակված» է. Արցախում լուրջ պայքար կընթանա 2 թեկնածուների միջեւ Կլինկեր՝ Թոխմախի Մհերի համար. նա է կանգնած ցեմենտի հումքը տուրքից ազատելու նախաձեռնության հետեւում Փաշինյանի կուսակցությունից որեւէ մեկը չի մասնակցել. Լրջագույն խնդիրներ կան ռուսների հետ Սահմանադրական դատարանն ընդդեմ Նիկոլ Փաշինյանի Դավիթ Սանասարյանը մեղադրում է Նիկոլ Փաշինյանին Կրակոցներ՝ Երևանում. հրազենային վիրավորում է ստացել «Դռռիկ Ալիկը» 10 ամենաօգտակար մթերքներն ըստ եվրոպացի մասնագետների կարծիքի Նախաճաշը բաց թողնելը եւ ուշ ընթրիքը սրտի համար վտանգավոր են Հունաստանի պաշտպանության նախարարը մտահոգ է Թուրքիայի կողմից Ս-400-ների ձեռքբերմամբ ԱՄՆ-ը կշարունակի «կոշտ միջոցներ» ձեռնարկել Ռուսաստանի նկատմամբ. Պոմպեո Ես չեմ կարող հիմա ասել՝ Սերժ Սարգսյանը որեւէ հանցագործության մեջ կմեղադրվի, թե ոչ. Նիկոլ Փաշինյան Իսկ ինձնից հետո ո՞վ է լինելու հաջորդը. Ռոբերտ Քոչարյանի հոդվածը EurActiv-ում ԵԱՏՄ-ն գոյության 5 տարում ապացուցել է իր կայունությունն ու ամրապնդել դիրքերը. Լավրով «Ռոսնեֆտը» խոստացել է դիմել իրավապահ մարմիններին Reuters-ի «տեղեկատվական դիվերսիայի» պատճառով Եվրոպայի լիգա․ Շաբաթվա լավագույն խաղացողը ԱՄՆ-ը չի պատասխանել Ս-400-ների գծով տեխնիկական կոմիտե ստեղծելու առաջարկին. Անկարա Գարեգին Բաղրամյանն ազատվել է էներգետիկ ենթակառուցվածքների և բնական պաշարների նախարարի տեղակալի պաշտոնից Ռադայի պատգամավորի վրա մի դույլ կղանք են լցրել ու վրան ֆալոիմիտատորներ նետել Սևանի ավտոճանապարհներին և Դիլիջանի ոլորաններում ձյուն է տեղում Իրանի հետախուզությունը երկրում եւ տարածաշրջանում մոտ 300 լրտեսների է հայտանբերել Instagram-ը կարող է թաքցնել գրառումների տակ լայքերի թիվը Business Insider-ը Ռուսաստանի տնտեսության վերաբերյալ «շոկային» փաստեր է ներկայացրել Ռուսաստանի դեսպանն այցելել է Հայոց ցեղասպանության Ծիծեռնակաբերդի հուշահամալիր Թրամփը կլինի առաջին օտարերկրյա ղեկավարը, որին գահակալումից հետո կհանդիպի Ճապոնիայի նոր կայսրը Դոլարի փոխարժեքըւ շարունակում է նվազել. Եվրոն եւս էժանացել է Եղանակը Հայաստանում հանգստյան օրերին. տեղումներ, լեռներում՝ ձյուն Դեմոկրատները հիմար վիճակում կհայտնվեն, եթե Թրամփի իմփիչմենթ սկսեն Իսպանական օդանավակայաններում սկսել են օգտագործել գենդերային չեզոք դիմելաձեւեր
Հարցում

Պատերազմ և հեղափոխություն

Ադրբեջանն առաջնագծում պահում է զինտեխնիկայի և զորքի խոշոր կուտակումներ։

Ղարաբաղում ներքին անկայունության միտումներ են զարգանում։
Հայաստանյան քաղաքական-հասարակական շրջանակներում անընդհատ խոսվում է, որ Մոսկվան կարող է արտոնել Ադրբեջանին ռազմական գործողություններ՝ հայաստանյան հեղափոխությունը ճնշելու համար։

Կա հանրություն, որի ուշադրությունը զբաղեցված է «սիրո և համերաշխության» հակակոռուպցիոն թեմաներով, և որը խորապես անտարբեր է Ադրբեջանի հետ հնարավոր պատերազմի հարցի հանդեպ։

Եվ վերջապես՝ քաղաքական և հանրային նախկին ու ներկա էլիտայի մեծ մասն այս հարցի հանդեպ ընդգծված վերացարկված վերաբերմունք ունի։ Ասես՝ խոսքն ա՛յլ պետությանն առնչվող հնարավոր պատերազմի մասին է։

Իրականում.

Պատերազմը չի կարող լինել ոչ մի բանի գինը, պատերազմը չի կարող լինել միայն իշխանության խնդիրը, պատերազմը չի կարող լինել հանրության միայն որոշ շերտերի հոգսը։ Պատերազմն ընդհանուր մարտահրավեր է, ընդհանուր ողբերգություն։

Հետևաբար՝ այն, ինչը հնարավոր է անել Հայաստանի ներսում և Հայաստանի ջանքերով՝ խուսափելու համար վատագույնից, պետք է արվի, և դրա համար չի կարող լինել որևէ խոչընդոտ։

Պատերազմի զսպման նախաձեռնությունը

Ինստիտուցիոնալ հիշողությունը համարվում է պետությունների կայացածության կարևորագույն չափանիշ։ Անկախ կառավարությունների փոփոխություններից՝ պետությունն ունի թեմաներ, որոնք փոխանցվում են հաջորդաբար՝ իրենց նրբություններով, խութերով, կիսատ մնացած հնարավորություններով, ժամանակին մերժված ռիսկերով ու հաջողության տարրերով։

Ղարաբաղի խնդիրը մեզ համար այդ շարքում առաջինն է։ Հետևաբար՝ ոչինչ չպետք է խանգարի (և չի կարող խանգարել), որ այսօրվա իշխանությունները քննարկումներ ունենան Ղարաբաղի խնդրին քաջատեղյակ փոքրաթիվ անձանց հետ, որոնք հենց այդ ինստիտուցիոնալ հիշողության կրողներն են։

Պետության շահն է պահանջում, որ գործող իշխանությունն այս խնդրով շփվի Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, Վարդան Օսկանյանի, Վիգեն Սարգսյանի, Էդիկ Նալբանդյանի, Սամվել Բաբայանի հետ։

Ինձ ձևաչափը չի հետաքրքրում, ինչպես և չի հետաքրքրում, թե այդ մարդկանց հանդեպ հանրային և իշխանական ի՛նչ վերաբերմունք կա, քանի որ խոսքն այստեղ շատ ավելի մեծ խնդրի մասին է, քան հանրության էմոցիաներն են։ Ես շոուի կողմնակից չեմ, այլ՝ ռացիոնալ քայլերի։ Այս անձանց ՝ միմյանց հանդեպ ունեցած վերաբերմունքն ու ներքին կոնֆլիկտներն էլ, մեծ հաշվով, չեն հետաքրքրում՝ հենց նույն պատճառով։ Նրանցից յուրաքանչյուրը կարող է և պետք է օգտակար լինի ընդհանուր նպատակին։ Ֆիքսենք, որ Լևոն Տեր Պետրոսյանն իր կողմից արդեն արել է այդ քայլը՝ ցույց տալով, որ գիտակցում է իր՝ այդ պարտավորությունը։

Հայաստանն անխուսափելիորեն մտնում է ներքին և արտաքին որոշակի տուրբուլենտության փուլ։ Սա արագ փոփոխությունների անխուսափելի ածանցյալն է։ Հետևաբար՝ այն, ինչը հնարավոր է անել իրականության և հետագա զարգացումների արմատականացումից խուսափելու համար, պետք է արվի։ Թեև ասելիքի առիթը Ղարաբաղն էր ու պատերազմը, բայց դա վերաբերում է այլ թեմաներին ևս՝ տնտեսական խնդիրներից մինչև կրթություն, մշակույթ և այլն։

Վստահ եմ, որ նման շփումները որակապես նոր կոնսոլիդացիոն մակարդակի կբերեն հասարակությանը, պետականության լրջությունն այլ մակարդակի կբերվի, գործող իշխանության համար կապահովվի լրիվ այլ՝ շատ ավելի լուրջ և հասուն ընկալում ներսում, ինչպես նաև շահեկան դիրքեր՝ արտաքին բանակցություններոմ։ Որքան էլ փորձ արվի ապացուցել հակառակը, բայց մինչև մայիսի 8-ը Հայաստանում կյանք եղել է։

Ն. Փաշինյանը վերջին շրջանում մի քանի անգամ շեշտել է ռազմաքաղաքական լարվածության փաստը և ձևակերպել մոտեցումը՝ մենք ցանկացած պահի պետք է պատրաստ լինենք պատերազմի վերսկսման։ Սա, իհարկե, ճիշտ է։ Բայց մենք նաև պետք է անենք մեզնից կախված ամեն ինչ՝ պատերազմ թույլ չտալու համար։ Եվ հասարակությունն այդ քայլերի մասին պետք է տեղեկացվի։ Պատերազմին պատրաստ լինելն ու պատերազմից խուսափելը զուգահեռ պրոցեսներ են և ենթադրում են որոշակիորեն տարբեր քայլեր։

Մենք չենք կարող նստել ու սպասել՝ պատերազմ կլինի, թե ոչ։ Նույնիսկ եթե դրան պատրաստ ենք։ Ինչ-որ իմաստով պատերազմի նախաձեռնությունը Ադրբեջանի ձեռքում է, բայց մենք կարող ենք (պարտավոր ենք) վերցնել պատերազմի զսպմա՛ն նախաձեռնությունը։ Պատերազմից խուսափելու կամ դրա հավանականությունն էապես նվազեցնելու համար մենք պարտավոր ենք անել մեր՝ ճիշտ հաշվարկված, գրագետ քայլերը.

1. Օգտագործել դիվանագիտական բոլոր հնարավորությունները, այդ թվում՝ անսպասելի քայլեր և նախաձեռնություններ, և այս հարցում չափազանց կարևոր է ղարաբաղյան խնդրին քաջատեղյակ փոքրաթիվ անձանց ներգրավումը։

2. Հայաստանում պետք է ապահովվի հանրային իրոք համերաշխ և հանդուրժողական մթնոլորտ։ Մենք այսօր այստեղ լուրջ անելիք ունենք։

3. Անհրաժեշտության դեպքում գործող իշխանությունը պետք է գնա որոշ պաշտոնանկությունների, հռետորաբանության շտկման և որոշ՝ արդեն կայացված որոշումների վերանայման ճանապարհով։ Գուցե պետք է լինեն նոր նշանակումներ։

4. Պետք է ցուցաբերվի բացառիկ համահայկական աջակցություն Արցախի նախագահ Բակո Սահակյանին։

Առաջին կետերին արդեն անդրադարձել ենք։ Ավելի մանրամասն ուզում եմ կանգ առնել վերջին կետի վրա։

Համահայկական աջակցություն Բակո Սահակյանին

Արցախում այսօր ներքին անկայունությունն ուղղակի ադրբեջանական ագրեսիայի առաջ ճանապարհի բացումն է։ Սա միայն գիտակցելը դեռևս քիչ է։ Սա գիտակցելուց հետո պետք է արվեն հստակ քայլեր, պետք է ձևակերպվեն աջակցության հստակ մեսիջներ, ձևավորվեն աջակցության հստակ մեխանիզմներ։

Վարչապետից բացի, ի աջակցություն Բակո Սահակյանի, հստակ մեսիջներ պետք է ուղղեն հայաստանյան խորհրդարանական և արտախորհրդարանական քաղաքական ուժերը, մտավորականությունը, եկեղեցին, խոշոր բիզնեսը։ Պետք է լինել Արցախում, նախագահի կողքին։

Սփյուռքի ազդեցիկ շրջանակները, ազդեցիկ գործիչները, հեղինակություն և ճանաչում ունեցող անձիք պետք է իրենց աջակցությունը հստակ արտահայտեն, այդ թվում՝ իրենց ֆիզիկական ներկայությամբ։

Բակո Սահակյանին այսօր ճակատագրով բաժին է ընկել Արցախի կայունության, Հայաստանի և սփյուռքի հետ միասնականության առանցքային դեմքերից մեկի դերակատարումը։ Գուցե սա իր պետական աշխատանքի ամենադժվար ու ամենակարևոր փուլն է, որի տապալումը այս անկայուն շրջանում թանկ կնստի պետության վրա։ Սա մեկ անձի խնդիր չէ, հետևաբար՝ հայկական աշխարհի ազդեցիկ ներուժը պետք է սատարի Արցախի նախագահին։ Այն գործիչները, որոնք արդեն դա արել են, ցուցաբերել են հարգանքի արժանի խորը պետական գիտակցություն։ Բայց շարունակությունը պետք է հետևի։

Մենք անվերջ կարող ենք խոսել համահայկական միասնականության մասին։ Հիմա կա կոնկրետ խնդիր՝ Արցախի գործող նախագահին հայտնել զորակցություն։ Արցախում պետք է լինի պինդ, կայուն և ադեկվատ իշխանություն։ Իհարկե՝ սա որևէ կերպ չպետք է արվի ժողովրդավարական ինստիտուտների ճնշման հաշվին։ Երկխոսության, համերաշխության մթնոլորտի ապահովման կարևորության շուրջ հայկական մտավոր ռեսուրսը պետք է սկսի վերջապես արտահայտվել։ Մյուս կողմից՝ պետք է Արցախի իշխանություններին տրամադրվեն նաև այլ ռեսուրսներ՝ Արցախում նոր ծրագրեր իրականացնելու համար։ Պարտադիր չէ, որ համահայկական ռեսուրսները մոբիլիզացվեն և հավաքվեն պատերազմից հետո։ Դա պետք է արվի հենց խաղաղության ժամանակ՝ ապահովելով Արցախի զարգացումը, նվազեցնելով պատերազմի հավանականությունը։

Վահե Հովհաննիսյան

«Այլընտրանքային նախագծեր խումբ»

website by Sargssyan