Եթե որդիս առաջադրվի Հրազդանի քաղաքապետի պաշտոնում, ուրեմն ես ազգի դավաճա՞ն եմ. Սասուն Միքայելյան
Եթե իմ որդին դառնա քաղաքապետ, մեծ սիրով կընդունեմ։ Այս մասին այսօր՝ հուլիսի 12-ին լրագրողների հետ զրույցում նշեց ԱԺ «Ելք» խմբակցության պատգամավոր Սասուն Միքայելյանը՝ մեկնաբանելով Հրազդանի քաղաքապետի պաշտոնում իր որդու նշանակման մասին լուրերը։
«Ես հավակնություն չունեմ, որ իմ որդին դառնա քաղաքապետ, բայց որ դառնա, մեծ սիրով կընդունեմ։ Իմ որդին արդեն 4–րդ տարին է «Քաղաքացիական պայմանագիր» կուսակցության տարածքային ղեկավարն է Հրազդանում։ Նա էլ ՔՊ անդամ է, հետո ի՞նչ՝ իմ որդին է։ Եթե մասնակցի, ուրեմն ես ազգի դավաճա՞ն եմ»,–նկատեց նա։
Միքայելյանը պնդում է՝ իր ընտանիքը երկար տարիներ տանջվել ու տառապել է «տականքների» ձեռքը, ապա հավելում, թե եթե իր որդին որոշի Հրազդանի քաղաքապետի պաշտոնում առաջադրվել, միևնույնն է՝ ժողովուրդը պետք է որոշի։