Մերկելին հաջողվել է փախստականների հարցով փոխզիջման հասնել
Այս թեմայով
- Նյուրնբերգում անհայտ անձը հարձակվել է երեք կանանց վրա. ոստիկանությունը պարզում է դրդապատճառները
- Քրիստոնեա-դեմոկրատական միության ղեկավարի պաշտոնում Մերկելին կփոխարինի Կրամպ-Կարենբաուերը:
- Թեհրանում Գերմանիայի դեսպանը հրավիրվել է Իրանի ԱԳՆ
- Նացիստական ողջույնները Գերմանիայի փողոցներում խայտառակություն են երկրի համար․Հայկո Մաս
Գերմանիայի ներքին գործերի նախարար Հորստ Զեեհոֆերը եւ Գերմանիայի կանցլեր Անգելա Մերկելը միգրացիայի հարցի վերաբերյալ համաձայնության են եկել: Զեեհոֆերն այս մասին հայտարարել է երկուշաբթի ուշ երեկոյան, հաղորդում է DW- ն:
Քրիստոնեադեմոկրատական միության (ՔԴՄ) եւ Քրիստոնեասոցիալական միության (ՔՍՄ) միջեւ ինտենսիվ բանակցություններից հետո կողմերը «ապագայում Գերմանիայի եւ Ավստրիայի սահմանին ապօրինի միգրացիայի կանխարգելման մասին համաձայնության են եկել», հայտնել է նախարարը: Նա հրաժարվել է իր պաշտոնից հեռանալու մտադրությունից:
Մերկելը նաեւ հայտարարել է «հաջող փոխզիջման» մասին, որին եկել են բանակցությունների մասնակիցները: Մասնավորապես այն ենթադրում է Գերմանիայում փախստականների տարանցիկ կենտրոնների ստեղծում:
Հունիսի 28-29-ը ԵՄ երկրները համաձայնեցրել էին փախստականների հոսքի սահմանափակման հարցով մի շարք միջոցառումներ՝ մասնավորապես լիազորությունների ընդլայնում եւ ԵՄ-ի Frontex սահմանապահ ծառայության կազմի ավելացում, Հյուսիսային Աֆրիկայում փախստականների համար ճամբարների բացում եւ ԵՄ-ում միգրատների համար փակ ճամբարների ստեղծում:
Բացի այդ, Իսպանիան եւ Հունաստանը պատրաստակամություն են հայտնել հետ ընդունել փախստականներին, եթե Գերմանիայի իրավապահները Ավստրիայի սահմանին հայտնաբերեն, որ նրանց տվյալները արդեն մտել են EURODAC-ի ընդհանուր բազա: