Բրիտանացի լրագրողն ուղիղ եթերում կանգնեցրել է վազող ձիուն և շարունակել իր աշխատանքը (տեսանյութ)
Բրիտանական Sky Sports հեռուստաալիքի թղթակից Հեյլի Մուրն ուղիղ եթերում կանգնեցրել է վազող ձիուն և շարունակել իր աշխատանքը: Ուշագրավ միջադեպի տեսանյութը հրապարակվել է YouTube-ում:
Ինչպես նշում է Sky Sports-ը, լրագրողը ռեպորտաժ էր պատրաստում Չեպստոու քաղաքում անցկացվող ձիարշավի մասին, երբ ձիերից մեկը վայր է գցել ձիավորին ու վազել իր ուղղությամբ:
Մուրը չի կորցրել իրեն ու բռնել է կենդանու երասանը, ինչից հետո ձին հարվածել է նրա դեմքին, և կինն ընկել է կենդանու ոտքերի տակ: Բարեբախտաբար, լրագրողին հաջողվել է կանգնեցնել ձիուն:
Նշվում է, որ միջադեպից րոպեներ անց Մուրը հարցազրույց է վերցրել մրցումների հաղթողից: