Ալիեւի պատասխանը չուշացավ
Ալիեւի պատասխանը ղարաբաղյան բանակցությունների ձեւաչափ փոխելու ՀՀ վարչապետի հայտարարությանը. սահմանին ունենք ծանր վիրավոր։
Լեւոն Տեր-Պետրոսյանն էլ իր բնավորության համաձայն առիթը բաց չի թողնում նեղ անձնական փոքրոգիություն անել՝ այս անգամ Վիգեն Սարգսյանի հանդեպ։
Լ. Տեր-Պետրոսյանը, կարծես թե, շտապում է լրացնել Նիկոլ Փաշինյանին հավատարմության երդում տվողների շարքը՝ հայտնվել Թոխատյանի, Թաթայի եւ այլոց կողքին։
Ղարաբաղի հարցը շատ բարդ թեմա է։ Ոտքի վրա այն քննարկել չի կարելի։ Դուր գալու կամ հաճոյանալու թեմա չէ։ Այդ նպատակի համար ուրիշ առիթներ կարելի է գտնել։
Ի դեպ, հեղափոխական մթնոլորտը չի սիրում պաշտոնականից զատ կարծիք, բայց ըստ հավաստի լուրերի, Փաշինյանի ստեփանակերտյան հայտարարությունը բանակցությունների ձեւաչափի վերաբերյալ, լուրջ անհանգստություն է առաջացրել միջնորդների մոտ, ովքեր ներքին խողովակներով այն փոխանցել են ՀՀ իշխանություններին։
Կան թեմաներ, որոնք զսպվածություն եւ հաշվենկատություն են պահանջում, հակառակ դեպքում զինծառայողի կորուստը դարձյալ համարվելու է օրվա լրահոսի սովորական լուր։
Վարդան Մխիթարյան
Top-News.am