Ադրբեջանի ԱԳՆ․ Փաշինյանը խեղաթյուրում է միջազգային իրավունքի նորմերը (Տեսանյութ)
Այս թեմայով
- Որքա՞ն ժամանակ կպահանջվի՝ արցախցիներին բնակարանով ապահովելու համար․ Գեղամ Նազարյան
- Ադրբեջանի մշակութային ցեղասպանության հերթական զոհն է դարձել ազգային գործիչ Ալեք Մանուկյանի արձանը
- Այսօր Արցախյան շարժման 36-ամյակն է
- «Արցախի կորուստ, համազգային ճգնաժամ. գոյապայքար ՀՀ պետականության համար». կայացել է «Հայ դատն այսօր» 15-րդ խորհրդաժողովը
azatutyun.am-ը գրում է. Ադրբեջանական կողմը հետևողականորեն շրջանցում է և ընդհանրապես չի հիշատակում 1994-ին Բուդապեշտում կայացած ԵԱՀԿ գագաթնաժողողովի արդյունքները, ըստ որոնց՝ Լեռնային Ղարաբաղը ճանաչվել է հակամարտության կողմ:
Ադրբեջանի արտգործնախարարությունը համարում է, որ ղարաբաղյան կարգավորման բանակցություններին Լեռնային Ղարաբաղի լիարժեք մասնակցության մասին Հայաստանի նորընտիր վարաչպետ Նիկոլ Փաշինյանի՝ Ստեփանակերտում արած հայտարարությունը խեղաթյուրում է միջազգային իրավունքի նորմերը և հակասում ՄԱԿ-ի ու ԵԱՀԿ-ի փաստաթղթերին: Այս մասին հայտարարել է Ադրբեջանի արտգործնախարարության մամուլի խոսնակ Հիքմեթ Հաջիևը:
Նա միաժամանակ ընդգծել է՝ «Ադրբեջանը պատրաստ է շարունակել առարկայական բանակցություններն առկա օրակարգի հիման վրա, ԵԱՀԿ-ի Մինսկի Խմբի համանախագահների միջոնորդությամբ՝ հակամարտության շուտափույթ կարգավորման համար»: Երեկ Ստեփանակերտում Նիկոլ Փաշինյանն ասել էր, թե պատրաստ է շարունակել բանակցությունները Ադրբեջանի նախագահի, Մինսկի Խմբի համանախագահների հետ, նշելով հանդերձ, որ Ղարաբաղը ևս պետք է բանակցությունների լիարժեք կողմ հանդիսանա:
Ադրբեջանի արտգործնախարարության մամուլի խոսնակը ԼՂ-ի՝ հակամարտության կողմ լինելը վիճարկում է, ասելով, թե Հելսինկիում 1992 թվականին կայացած ԵԱՀԿ-ի նախարարների խորհրդի որոշմամբ՝ հակամարտ կողմեր են ճանաչվել Հայաստանը և Ադրբեջանը, իսկ Ղարաբաղի հայկական և ադրբեջանական համայնքները ճանաչվել են շահագրգիռ կողմեր: Նա հիշատակել է նաև ՄԱԿ-ի բանաձևերը, այդ ամենը ներկայացնելով զուտ Բաքվի մեկնաբանություններով ու տեսանկյունից, ինչը հայկական կողմը մշտապես հերքել է ու հակադարձել:
Ընդգծենք՝ ադրբեջանական կողմը հետևողականորեն շրջանցում է և ընդհանրապես չի հիշատակում 1994-ին Բուդապեշտում կայացած ԵԱՀԿ գագաթնաժողողովի արդյունքները, ըստ որոնց՝ Լեռնային Ղարաբաղը ճանաչվել է հակամարտության կողմ: Մինչդեռ՝ Հիքմեթ Հաջիևը կրկնել է Բաքվի հայտնի դիրքորոշումը, ըստ որի՝ Ղարաբաղի հայերը միայն «ներքին ինքնորոշման իրավունք ունեն՝ Ադրբեջանի տարածքային ամբողջականության շրջանակներում»:
Հաջիևը նշել է նաև, թե Ադրբեջանը դեռ հույս ունի, որ Հայստանի քաղաքական նոր ղեկավարությունը չի կրկնի «իր նախորդների սխալները և առողջ դիվանագիտական քաղաքականություն կվարի», ձգտելով քաղաքկիրթ հարաբերություններ հաստատել հարևան երկնների հետ:
Ավելի ուշ մեկնաբանությամբ է հանդես եկել նաև Ադրբեջանի փոխարտգործնախարար Խալաֆ Խալաֆովը, ասելով, թե բանակցությունների ձևաչափն արդեն հաստատված է ԵԱՀԿ-ի շրջանակներում, և այդ բանակցություններում որոպես կողմեր են հանդես գալիս Հայաստանն ու Ադրբեջանը, իսկ միջնորդներն են Ֆրանսիան, ԱՄՆ-ն ու Ռուսաստանը:
«Մենք հավատում ենք, որ բանակցությունները կշարունակվեն այդ ձևաչափով, և քննարկվելիք հիմնական հարցերն էլ կվերաբերեն տարածքների շուտափույթ ազատմանը»,- ասել է Խալաֆովն ու շարունակել․ «Նման փորձեր ձեռնարկվել են նաև նախկինում, բայց դա իրատեսական չէ և աբսուրդ է»:
Նյութի շարունակությունը՝ սկզբնաղբյուր կայքում