Քեյթ Միդլթոնը հոսպիտալացվել է (լուսանկարներ)
Քեմբրիջի դքսուհի Քեյթ Միդլթոնը, որը հղի է 3-րդ երեխայով, ծննդաբերական ցավերով տեղափոխվել է Սուրբ Մերի հիվանդանոց, հայտնում է The Daily Mail-ը՝ Քենսինգթոնյան պալատին հղումով:
Նշվում է, որ դքսուհու և արքայազն Ուիլյամի երեխայի սեռը նախապես չի հայտարարվել:
Սակայն հայտնի է, որ լույս աշխարհ գալուց հետո արքայադուստրը կամ արքայազնը կլինի բրիտանական գահի ժառանգորդների թվում 5-րդը՝ պապիկից, հորից, ավագ եղբորից ու քրոջից հետո: Ծնվելուց հետո նրան կտրվի Քեմբրիջի արքայազն կամ արքայադուստր տիտղոսը:
Աղբյուրը մանրամասնում է, որ դքսուհին մյուս երկու երեխաներին ևս ծննդաբերել է Լոնդոնի Սուրբ Մերի հիվանդանոցում: Այս անգամ նրան ևս օգնելու են նույն գինեկոլոգներն ու մանկաբարձները: