Թաիլանդում անհայտ ծագման օբյեկտն ընկել է ուղիղ ավտոճանապարհի վրա
Թաիլանդում անհայտ ծագման օբյեկտն ընկել է ուղիղ ավտոճանապարհի վրա, տարօրինակ օբյեկտի անկումը հասցրել են ֆիքսել ճանապարհին երթևեկող վարորդները. տեսանյութը հայտնվել է YouTube-ում։
Տեսանյութում երևում է, որ օբյեկտի անկման պահին դիմացից երթևեկող մեքենայի վարորդը, բարեբախտաբար, հասցրել է ժամանակին արգելակել՝ խուսափելով բախումից։ Վարորդը կանգ է առել, դուրս եկել մեքենայից ու հորդորել զգուշություն ցուցաբերել նաև մյուս վարորդներին։
Նշվում է, որ դեպքը տեղի է ունեցել Թայլանդի Պատխումտխանի նահանգում։
Առայժմ հայտնի չէ, թե ինչ է իրենից ներկայացնում անհայտ օբյեկտը։ Չի բացառվում, որ այն կարող է լինել ցեմենտի ռեզերվուարի փակիչը, որը այդ նույն ժամանակ պայթել է ավտոճանապարհից քիչ հեռու։