Վերաքննիչ դատարանը մերժեց Սամվել Բաբայանի բողոքը
Այս թեմայով
- Սամվել Բաբայանի թեման «փակված» է. Արցախում լուրջ պայքար կընթանա 2 թեկնածուների միջեւ
- Ես վստահ եմ՝ Ռոբերտ Քոչարյանը կրակելու հրահանգ չի տվել․ Սամվել Բաբայան
- Առանց Վազգեն Սարգսյանի հետ համաձայնեցնելու Ռ. Քոչարյանը Մեղրիի հարցով բանակցությունների չէր կարող գնալ. Սամվել Բաբայան
- Հայաստանի եւ Ադրբեջանի միջեւ գնում են ճշտումներ. Սամվել Բաբայան
Վերաքննիչ դատարանը մերժեց Սամվել Բաբայանի բողոքը՝ ուժի մեջ թողնելով առաջին ատյանի վճիռը:
Վեց տարվա ազատազրկման դատապարտված Լեռնային Ղարաբաղի պաշտպանության նախկին նախարարը վերաքննիչ ատյանում արդարացում էր պահանջում:
Այսօր հրապարակած որոշմամբ դատարանը ուժի մեջ թողեց նաև վերաքննիչ բողոք ներկայացրած Սանասար Գաբրիելյանի և Արմեն Պողոսյանի պատժաչափերը՝ երեք և երկու տարվա ազատազրկում:
Երեկ իր եզրափակիչ խոսքում Սամվել Բաբայանը դատարանին հորդորել էր «կրկեսը թարգել»:
Սամվել Բաբայանը հայտարարել է, որ գնալու է մինչև վերջ՝ բոլոր ատյաններով:
Ընդհանուր իրավասության դատարանը ղարաբաղցի նախկին զինվորականին մեղավոր է ճանաչել, որ նա դրդել է մի խումբ անձանց ձեռք բերել, փոխադրել և պահել ապօրինի ռազմամթերք՝ «Իգլա» զենիթահրթիռային համալիրը, ինչպես նաև փոխարկման արդյունքում ձեռք է բերել հանցավոր ճանապարհով ստացված եվրո թղթադրամներ: