3 րոպեում 11 հատ շաուրմա. Անապայում բնակվող հայ խոհարարը շաուրմա պատրաստելու արագության ռեկորդ է սահմանել (տեսանյութ)
Անապայի ռեստորաններից մեկում աշխատող հայ խոհարար Արտյոմ Գինոսյանը երեք րոպեում մեծ քանակությամբ շաուրմա պատրաստելու ռեկորդ է սահմանել: Խոհարարի աշխատանքը ներկայացվել է ռուսական «Առաջին ալիքի» «Ես կարող եմ» տաղանդների շոուի ժամանակ:
Ինչպես նշում է «Sputnik Армения»-ն, խոհարարը ոչ միայն ավելի քան 10 չափաբաժին շաուրմա է պատրաստել, այլ նաև ցնցել է հանդիսատեսին թռչող դանակների շոուով:
Աղբյուրի հաղորդմամբ՝ Գինոսյանն աշխատում է արագ սննդի ռեստորանում և սիրում է իմպրովիզներ անել խոհանոցում: Տղամարդու խոսքով՝ իր ամբողջ ընտանիքը զբաղվում է ռեստորանային բիզնեսով:
Հատկանշական է, որ Գինոսյանը մասնակցել է շոուին հստակ նպատակով: Նա ընդունել է մարտահրավերը և երեք րոպեում պատրաստել ոչ թե 10 հատ շաուրմա, ինչպես նախատեսված էր առաջադրանքով, այլ 11 հատ՝ սահմանելով նոր ռեկորդ Ռուսաստանում: