«Հաշմանդամները» վայրկենապես «ապաքինվել» են և ֆուտբոլ խաղացել (տեսանյութ)
Կրասնոդարի գետնանցումներից մեկում երկու «հաշմանդամ» տղամարդիկ, որոնք հավանաբար մուրացկանությամբ են զբաղվել, վայրկենապես «ապաքինվել» են և սկսել ֆուտբոլ խաղալ, երբ այնտեղ մարդ չի եղել: Համապատասխան տեսանյութը հրապարակվել է «Կուբան 24» հեռուստաալիքի YouTube ալիքում:
Տղամարդկանցից մեկը մի կողմ է դրել իր հենակները, վերցրել գնդակն ու փորձել նետել այն մյուսի ուղղությամբ: Երկրորդ տղամարդը, հասկանալով, որ հենակներով բարդ է խաղալ, նույնպես մի կողմ է դրել դրանք ու պատասխան հարված արել:
Համացանցի օգտատերերի մեծամասնությանը զայրացրել է տղամարդկանց պահվածքը և հենակները որպես խղճահարության ու գումար հավաքելու միջոց օգտագործելը: Մյուսները հումորով են մոտեցել իրավիճակին ու կատակով գովել նրանց հնարամտությունը: