Մելանյա Թրամփը նախագահական ընտանիքի «ամենասիրված» անդամն է
Միացյալ Նահանգների առաջին տիկին Մելանյա Թրամփը նախագահական ընտանիքի «ամենասիրված» անդամն է։ Այդ մասին են վկայում Economist/YouGov-ի կողմից հրապարակված հարցման արդյունքները, գրում է life.ru-ն։
Հետազոտության համաձայն՝ Մելանյայի մասին դրական է արտահայտվել հարցվածների 48%-ը, իսկ նախագահ Դոնալդ Թրամփի մասին՝ 45%-ը։ Առաջին տիկնոջ գործունեությունը բացասաբար է գնահատել հարցվածների 33%-ը, իսկ նրա ամուսնու գործունեությունը՝ 52%-ը։
Նախագահի ավագ դուստր Իվանկա Թրամփին հավանում է հարցվածների 41%-ը, այնինչ երբ նրա ամուսնուն՝ ընդամենը 25%-ը։
Նախագահի որդիներ Դոնալդ կրտսերն ու Էրիկը հավաքել են, համապատասխանաբար, 36% և 32% դրական արձագանք։
Նշենք, որ հարցման արդյունքները հրապարակվել են Թրամփի երդմնակալության արարողության մեկամյակին ընդառաջ։ Նրա երդմնակալության արարողությունը տեղի էր ունեցել 2017 թվականի հունվարի 20-ին։