Շառլ Ազնավուր․ Այսօրվա աշխարհի ամենամեծ չարիքը եսասիրությունն է

Գրեթե 40 տարի անց Ազնավուրը կրկին երգել է Բուլղարիայում։ Տեղի հեռուստաընկերություններից մեկին տված հարցազրույցում նա պատասխանել է ծերությանն ու մահվան, Էդիտ Պիաֆին ու իր ընտանիքին վերաբերող հարցերին։

Ազնավուրը երգում է վեց լեզուներով (ֆրանսերեն, իտալերեն, իսպաներեն, անգլերեն, ռուսերեն, գերմաներեն), սակայն առավել հայտնի են նրա ֆրանսերեն կատարումները։ Ազնավուրն ունի 294 ալբոմ, որոնք վաճառվել է ավելի քան 100 միլիոն օրինակ, ավելի քան 1200 երգ, մասնակցել է 80 ֆիլմերի եւ հազարավոր համերգներ ավելի քան 90 երկրներում:

Հարցերին պատասխանել է տխրությամբ ու ծիծաղով։
Այսօրվա աշխարհի ամենամեծ չարիքը եսասիրությունն է։ Սլավի Տրիֆոնովի հարցին այսպես է պատասխանել 93-ամյա Շառլ Ազնավուրը bTV բուլղարական հեռուստաալիքի եթերում։

Բուլղարացի հանդիսատեսի համար Ազնավուրը ելույթ է ունեցել նոյեմբերի 30-ին` 1978 թվականի համերգից հետո շուրջ 40 տարի անց։

Հարցին, թե այսօր ինչպես է զգում կյանքը, Ազնավուրը պատասխանել է. «Տխուր եմ։ Քանի որ այսօր ամեն մարդ իր համար է ապրում, քանի որ կան մարդիկ, որոնք փորփրում են կերածս։

Ի՞նչն է այսօր կարևոր։ Կարևոր են մյուսները։ Ոչ թե մենք, այլ ուրիշները։ Ես սկսել եմ մտածել այդ մասին և գիտակցել հիմա` 50 տարի անց։

Ես պարզապես փորձում եմ մոտ լինել ճշմարտությանը և գրել այն մասին` ինչ տեղի է ունենում կյանքում։ Ինձ հետաքրքրում է, թե ինչով են ապրում ինձ շրջապատող մարդիկ։ Չէ՞ որ ես էլ եմ ժողովրդի միջից, հասարակ մարդկանց պես եմ մտածում»։

Հանդիսատեսի սիրո,ստեղծագործական կյանքի եւ մասնագիտության մասին նա ասել է․ «Ես կարող եմ գրել ու երգել: Ես կարող եմ աշխատել: Ես ուրիշ բան չեմ կարող անել»: Նրան չեն անվանում  «սիրո երգերի երգիչ», « չնայած սիրո մասին երգերով նա հուզել է հասարակությանը։ 

Շառլ Ազնավուրը հիշեցրել է իր առաջին հանդիպումը Էդիտ Պիաֆի հետ, որն օգնել է նրան երաժշտական ​​ասպարեզում. «Էդիտ Պիաֆն օգնեց ինձ մեկ հարցում հանրային ռադիոյով: Նախկինում նա ինձ չէր ճանաչում: Նա զանգեց ինձ եւ կանչեց, նա նստած էր առաջին շարքում: Ես գնացի նրա մոտ, մենք ընկերացանք: Մենք պարեցինք միասին ... եւ մենք սկսեցինք հաղորդակցվել ռադիոյի շնորհիվ»:

Հարցին, թե ինչպիսի անձնավորություն էր Պիֆը, Ազնավուրը պատասխանել է. «Նա ավելին էր քան մյուսները: Նա չէր սովորել, բայց կարողացավ գրել լավ բաներ եւ դա անել այն փուլում, որ ուրիշները նույնիսկ չեն փորձել: Piaf- ը Piaf- ի աշխատանքն է»:

Ազնավուրը իր վեցերորդ գիրքով ուզում է փոխել տարբեր մարդկանց մտածելակերպը:
Շառլ Ազնավուրի դրախտի և դժոխքի սահմանագիծը. հիմա դուք ռու՞ս եք, հրեա՞, թե՞ արաբ։
Երգիչը նշել է, որ այդ հարցում ինքը նման է Էդիթ Պիաֆին։ Ինքը` միգրանտների որդին, նա` աղքատ ընտանիքի աղջիկը։ Էդիթը կրթություն չի ստացել, բայց այնպիսի տողեր է գրել և բեմում այնպիսի կերպար է ստեղծել, ինչի մասին ուրիշները նույնիսկ մտածել չէին կարող։ Պիաֆին կերտել է ինքը` Պիաֆը, համոզված է Ազնավուրը։

«Երջանիկ եմ, որ փախստականների որդի եմ։ Ես ֆրանսիացի եմ և հայ։ Մեկը մյուսից բաժանել չի լինի, ինչպես կաթով սուրճի դեպքում։ Սակայն եթե պապերիցս մեկը սևամորթ լիներ, մյուսը` հրեա, երրորդն` արաբ, ես ուրիշ կլինեի։

Եվ եթե բոլորն այդպես մտածեին, աշխարհում այլատյացություն և հրեատեցություն չէր լինի», — ասել է նա։

Իր անունը բուլղարական կիրիլիցայի նեոնային լույսերի մեջ տեսնելով` հիշել է հորը, որ ռուսերեն էր գրում ազգանունը։

«Ես միշտ «Ազնաբիպ» էի կարդում։ Քանի որ ռուսերեն չգիտեի։ «Վ»-ն կարդում էի որպես «բ», իսկ «ր»-ն որպես «պ»… Ազնաբիպ», — ժպտում է նա։

Անվանի հաղորդավարը մի պահ մոռանում է ժպտալը։ «Լավ հումոր ունեք», — վերջապես ասում է նա։

«Կյանքում միշտ ժպտալ է պետք։ Ով ժպտում է, նա ավելի երկար և ավելի լավ է ապրում», — պատասխանում է 93-ամյա ծերունին։

Ծերունի՞ն։ Իր տարիքից նա չի վախենում։ Հակառակը` այժմ երգեր է գրում նրանց համար, ովքեր 90-անց են։ Նրանց ինչ-որ բանով ուրախացնելու համար։ «Չէ՞ որ ես գրել եմ երիտասարդների մասին։ Ուրեմն պետք է գրեմ նաև ծերության մասին»։

Ազնավուրը նշել է նաև, որ կարողանում է ծիծաղելու ուժ գտնել։ Դրանում է երկարակեցության գաղտնիքը, վստահեցրել է նա։

«Մահը չի վախեցնում ինձ: Ես ծնվելուց ի վեր, ես գիտեմ, որ սա է ելքը: Ես չեմ վախենում, բայց ես ցանկություն էլ չունեմ մեռնելու», - ասաց նա: Ազնավուրը հայտարարել է, որ տարիներ առաջ քննադատները Ֆրանսիայում չէին սիրում իրեն, փորձում էին վնասել կարիերան, սակայն նրա պատասխանը լավագույնն էր՝ հաջողությունը։

Հարցին, թե ինչու է ամուսնացել երեք անգամ, Ազնավուրը պատասխանել է․ «Առաջին անգամ ես շատ երիտասարդ էի, երկրորդ անգամ հիմարություն էր, իսկ երրորդ անգամը՝ գերազանց»: Նրա երրորդ ամուսնությունը շարունակում է մնալ մինչ այսօր` արդեն 51 տարի: Ըստ նրա, լավ ամուսնությունը շատ հարցեր է լուծում՝ եւ կարիերայի ընտրության, եւ մասնագիտության ... Իր ներկայիս կնոջ մասին Ազնավուրն ասել է. «Հրաշալի կին ունեմ։ Նա ոչ բոլոր հարցերում է համաձայն ինձ հետ։ Բայց դա ամենակարևորը չէ։ Մենք տարբեր երկրամասերում ենք ծնվել։ Նա` այնտեղ, որտեղ ցուրտ է, ես` այնտեղ, որտեղ տաք է։ Նա բողոքական է, մեր հայացքները մի փոքր տարբերվում են երեխաների դաստիարակության հարցում։

Սակայն այդ հայացքները հանդիպել են և միավորվել։ Եվ ինչ-որ բան են սովորեցրել միմյանց։ Նա ինձ սովորեցրել է միշտ ուղիղ քայլել։ Իսկ ես սովորեցրել եմ նրան մի փոքր խելահեղ լինել»։

 Top-News.am