ՌԴ ԱԳՆ. Ղարաբաղյան հակամարտության գոտում իրավիճակը բարդ է մնում
Ռուսաստանը ողջունում է ղարաբաղյան հակամարտության կարգավորման հարցում բանակցային գործընթացը շարունակելու Հայաստանի եւ Ադրբեջանի պատրաստակամությունը։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ողջունում ենք կողմերի հայտնած պատրաստակամությունը բանակցային գործընթացն ակտիվացնելու եւ շփման գծում լարվածության թուլացման համար լրացուցիչ քայլեր ձեռնարկելու ուղղությամբ։ Պաշտպանում ենք ԵԱՀԿ Մինսկի խմբի համանախագահների ջանքերը, որոնք հիմա քննարկում են ՀՀ եւ Ադրբեջանի ԱԳ նախարարների հերթական հանդիպման կազմակերպման հարցը»,– ասել է նա։
Զախարովան ափսոսանք է հայտնել, որ հակամարտության գոտում իրավիճակը բարդ է մնում. «Բաքվին եւ Երեւանին կոչ ենք անում կառուցողական մոտեցում ցուցաբերել անլուծելի խնդիրների հանգուցալուծման ուղիների որոնման հարցում»։