Նեթանյահուն կրկին հետաձգել է ազգին ուղղված ուղերձը՝ առանցքային նախարարների հրաժարականի սպառնալիքների պատճառով․ Haaretz
![](/timthumb.php?src=/disc/27-03-23/f8220675c25612c0d9cada7aadcef8aa.jpg&w=708)
Իսրայելի վարչապետ Բենիամին Նեթանյահուն երկրորդ անգամ անորոշ ժամանակով հետաձգել է ազգին ուղղված ուղերձն այն բանից հետո, երբ Իսրայելի արդարադատության եւ ազգային անվտանգության նախարարները սպառնացել են հրաժարական տալ, եթե դադարեցվեն դատական բարեփոխումները, հաղորդում է իսրայելական Haaretz պորտալը:
Երկուշաբթի ավելի վաղ իսրայելական լրատվամիջոցները հայտնել էին, որ վարչապետը մտադիր է տեսաուղերձով հանդես գալ գիշերվա աննախադեպ ցույցերից հետո պաշտպանության նախարար Յոավ Գալանտի հրաժարականի ֆոնին, որը կոչ էր արել կասեցնել դատական բարեփոխումները:
Իսրայելում երկրի իրավական համակարգի բարեփոխման դեմ հազարավոր բողոքի ցույցերն արդեն տասներկուերորդ շաբաթն են շարունակվում։ Օրենքների առաջարկվող փաթեթը կսահմանափակի գերագույն դատարանի լիազորությունները եւ կառավարությանը դատավորների նշանակման ընթացակարգը վերահսկելու հնարավորություն կտա: