Ղարաբաղի հարցը լուծվել է թուրք-ադրբեջանական միության կողմից. Էրդողանի խորհրդական
Ինչո՞ւ մենք 1992 թվականին փակեցինք Հայաստանի հետ սահմանները. Ղարաբաղի օկուպացիայի պատճառով: Հիմա պայմանները փոխվել են։ Ղարաբաղյան խնդիրը լուծվել է ադրբեջանա-թուրքական միության կողմից. հայտարարել է Թուրքիայի նախագահի մամուլի քարտուղար Իբրահիմ Քալընը Haberturk-ին տված հարցազրույցում։
Նա նշել է, որ Ադրբեջանն ու Թուրքիան միավորվեցին, իսկ «Ղարաբաղը ձեռք բերեց ազատություն»։
«Հայաստանի հետ մենք չենք կարող ունենալ հավերժական թշնամություն: Մի սխալ արեցին, Ղարաբաղը օկուպացրեցին, մենք էլ ի հեճուկս դրան, միջոցներ ձեռնարկեցինք: Ոչ մի երկիր ոչ մի քայլ չձեռնարկեց, Թուրքիան և Ադրբեջանն էլ միավորվեցին` ռազմական և տնտեսական առումով և այդ հարցը լուծեցին: Այնուհետև մենք սկսեցինք Հայաստանի հետ հարաբերությունների կարգավորման գործընթացը։ Այս գործընթացը ներկայումս արագորեն զարգանում է: Խնդիրները լուծելիս մենք պետք է առաջ շարժվենք»,- ասել է Քալընը։