Կադիրովը Մինսկում փորձարկել է բելառուսական «հրեշ» ավտոմեքենան (տեսանյութ)
Մինսկի ավտոմոբիլային գործարան այցելության ժամանակ Չեչնիայի նախագահ Ռամզան Կադիրովը նստել է МАЗ հատուկ ավտոմեքենայի ղեկին և իր տպավորություններով կիսվել Instagram-ում:
«Հրաշալի է: Այս հրեշը ենթարկվում է վարորդին՝ ինչպես մանկական հեծանիվը: Թեթև է կառավարման մեջ, դիզայնը շքեղ է, սրահը՝ հարմար», - գրել է Կադիրովը:
Նա նաև ընդգծել է, որ հատուկ մեքենաների փորձարկումները գործարան այցելելու հիմնական նպատակը չեն եղել: Ուղևորության ընթացքում քննարկվել են բելառուսական կողմի հետ համագործակցության մանրամասները:
Ավելի վաղ Բելառուսում գտնվող Կադիրովը նշել է, որ երկրում կարտոֆիլը համեղ է, իսկ նախագահ Ալեքսանդր Լուկաշենկոյի ձեռքսեղմումը՝ ամուր: