1USD = AMD
1EUR = AMD
1RUB = AMD
Այսօր՝ 25 մայիսի 2018թ., 00:00
«Նիկոլ Փաշինյանը» ջերմ եւ մտերմիկ հեռախոսազրույց է ունեցել Մեծ Բրիտանիայի ԱԳ նախարարի հետ (Տեսանյութ) ՀՀ զինված ուժերի գլխավոր շտաբի պետ է նշանակվել Էլ. Վարդանյան. Չպլանավորված անդրադարձ մի շարք հեռուստաընկերությունների հեռարձակումներին Կարո Եղնուկյանը անհապաղ ազատ արձակվեց. գրավը մուծվել է Ալիևը համաներում է հայտարարել ավելի քան 600 դատապարտյալի նկատմամբ «Ղարաբաղի խնդիրը նաև մեր խնդիրն է»․ Թուրքիայի խորհրդարանի նախագահ Կարո Եղնուկյանը կարող է ազատ արձակվել 10 մլն դրամ գրավի դիմաց Թեհրանը Եվրոպային 7 պայման է ներկայացրել՝ միջուկային գործարքը պահպանելու համար Շաքար ներկրել ցանկացողներ էլ կան, ներկրողներ էլ. ՊԵԿ նախագահ Ինչ նվեր են մատուցել Դոնալդ Թրամփն ու նրա կինն արքայազն Հարիին ու Մեգան Մարքլին Վրաստանը պատրաստ է հաջորդ քայլերն անել ՆԱՏՕ-ին անդամակցելու համար Տղամարդը ներխուժել է օտար մարդկանց տուն, գինի խմել ու դաշնամուր նվագել «Առկա իրավիճակը ժամանակավոր է». Թուրքիայի վարչապետը մեկնաբանել է թուրքական լիրայի ռեկորդային անկումը Թուրքիայի ԱԳՆ-ն դատապարտել է Հունաստանին՝ բարձրաստիճան թուրք զինվորականին քաղաքական ապաստան տալու համար Հայկական ավտոբուսներին Վերին Լարսի ՌԴ մաքսակետում չի թույլատրվել շարունակել ճանապարհը «Գործողություններն սկսված են, արդեն կան բերման ենթարկվածներ, հրավիրված անձինք». ԱԱԾ տնօրեն Առաջիկա ամիսները հնարավորություններ կբացեն ԼՂ հակամարտության կարգավորման համար. Թրամփն՝ Ալիևին Լիտվայի Սեյմասը վավերացրեց ՀՀ-ԵՄ համաձայնագիրը Լավ եմ արել, գնացել եմ կազինո. Ալեն Սիմոնյան (Տեսանյութ) ՃՈ տուգանքները վճարած բարեխիղճ քաղաքացիները պահանջում են վերադարձնել գումարները Ալեքսանդր Արզումանյանին պետական բյուջեից 2500 եվրո կհատկացվի Հայաստանի պատանեկան հավաքականը ոչ ոքի խաղաց վրացիների հետ Առաջին հանրապետությունը դարձավ ներկայիս Հայաստանի զարգացման հիմքը. ՀՀ նախագահ (տեսանյութ) Ալեն Սիմոնյանի ավագանու լիազորություններն արդեն իսկ դադարեցված են Եվա Ռիվասը հույս ունի աքայազնի հետ ամուսնանալ Աֆրիկյան թերթը «ծաղրել» է Պոգբային (լուսանկար) 51 պաշտոնյա տարեկան հայտարարագիր չի ներկայացրել Քիմ Քարդաշյանը` 17 տարեկանում ՊԵԿ նոր ղեկավարությունը հստակ հրահանգ է տվել Վրաստանը մեղադրել է Ռուսաստանին 2008 թվականի օգոստոսյան դեպքերի ժամանակ խաղաղ բնակչության մահվան համար ԱՄՆ-ն հուսով է, որ Թուրքիան, ի վերջո, չի գնի Ռուսաստանից C-400 համակարգեր․ Պոմպեո Հայաստանի ո՞ր մարզերում է ամենաբարձր միջին ամսական աշխատավարձը Մալայզիայի նոր վարչապետը կնվազեցնի նախարարների աշխատավարձը Վարչապետի որոշմամբ ՊԵԿ նախագահի տեղակալ է նշանակվել «Պետք է անհապաղ նիստ հրավիրել ու քաղաքական և տնտեսական քայլեր ձեռնարկել»․ Փայլանը՝ Թուրքիայում տնտեսական ճգնաժամի մասին Եվրոպան կշարունակի պահպանել Իրանի հետ միջուկային համաձայնագիրը․ Գերմանիայի ԱԳ նախարար 178 մլն դրամ հարկերից առերևույթ խուսափելու փաստով քրգործ է հարուցվել ԱԻՆ ՓԾ-ում ստուգումներ են անցկացվում Վլադիմիր Գասպարյանի թիկնազորի պետի եղբորը կալանավորելու միջնորդություն է ներկայացվել (Տեսանյութ) Յուլյա Սկրիպալի հայտարարությունը պետք է ստուգվի. Դմիտրի Պեսկով Ֆալկաոն տուգանվել է 9 միլիոն եվրո Հենրիխ Մխիթարյանը ներկայացրել է MickiToy խաղալիքը (Տեսանյութ, լուսանկարներ) Սադամ Հուսեյնի զբոսանավը հյուրանոցի կվերածվի (Տեսանյութ) Տեսանյութ՝ Շաքրո Մոլոդոյի խցիկից Դատավորը վաճառել է հինը ու գնել երկու անգամ ավելի թանկ մեքենա Փաշինյանի թիմում կադրային սով է եղել Մոնումենտում եւս մեկ շքեղ շինություն կկառուցվի կանաչ գոտու հաշվին. ո՞վ է նախկին վարչապետների նոր հարեւանը Օդանավակայանում գումարներ գանձելու լուրջ խողովակ է գործել Տաքսու վարորդը փողոցի մեջտեղում ուղեւորուհուն դուրս է նետել մեքենայից (Տեսանյութ) Գևորգ Ղազարյան․ Նոր փուլ է սկսվում հավաքականի համար Լոս Անջելեսից երեք հայեր 8 մլն դոլարի խարդախության սխեմայի համար են մեղադրվում ԱՄՆ-ում լոբբիստական ընկերությունը «Ադրբեջանական լվացքատան» միջոցով գումարներ է ստացել Իմ համար հին ու նոր Հայաստան չկա. Հենրիխ Մխիթարյան Իսկ մի՞թե ճիշտ չէ Նիկոլ Փաշինյանը Պոմպեոյի հայտարարությունները վկայում են Վաշինգթոնի քաղաքական սնանկության մասին. Իրանի ԱԳՆ Դավիթ Տոնոյանը հանդիպել է Ռուսաստանի Պնախարար Շոյգուին Նոր սահմանափակումներ աշխատանքային միգրանտների նկատմամբ Երբ գնահատվում են լավ սովորող աշակերտները Ռոնալդուն ցույց է տվել մեծացած երեխաներին (լուսանկար) ՎԶԵԲ-ը կշարունակի Հայաստանին ցուցաբերել ինչպես տեխնիկական, այնպես էլ ծրագրային աջակցություն. Դմիտրի Գվինդաձե Վարչապետն ընդունել է ՀՄԸՄ կենտրոնական վարչության անդամներին ԿԳ նախարար Արայիկ Հարությունյանը կմասնակցի Բոլոնիայի գործընթացի 5-րդ քաղաքական համաժողովին 47 պաշտոնատար անձանց նկատմամբ քրեական հետապնդում է սկսվել Ինչպես է ՀՀ նախագահ Արմեն Սարգսյանը պարում Ամուլսարի հանքի դեմ բողոքող երիտասարդների հետ (Տեսանյութ) Տա աստված, որ չվերցնեն կաշառք. Ս. Սարոյանը՝ նորանշանակ նախարարների մասին (Տեսանյութ) ՌԴ ՊՆ-ն ցույց է տվել սուզանավից «Բուլավա» հրթիռների արձակման պահը (տեսանյութ) Կաբարդինո-Բալկարիայում տեղի ունեցած ավտովթարի հետևանքով Հայաստանի 2 քաղաքացի է զոհվել Բրիտանացի լրագրողն ուղիղ եթերում կանգնեցրել է վազող ձիուն և շարունակել իր աշխատանքը (տեսանյութ) Հայտնաբերվել են Հերացու, Արմենակյան եւ Մյասնիկյան փողոցների խաչմերուկում միջադեպի մասնակիցները Մարտիրոսյանի կինը երեկ շուրթերն էր փչել, իսկ այսօր ընկերուհիներին է փչել. Գարիկ Մարտիրոսյանի կնոջ գրառումը ՀՀ և ՌԴ արտգործնախարարների հեռախոսազրույց են ունեցել Արիզոնայում ոսկերչական խանութի հայ աշխատակիցը 250 հազար դոլարի զարդ է գողացել Հայաստան մեկնելուց առաջ VARDA-ն նաեւ երգում է ԱՄՆ-ում մահապատժի է դատապարտվել «ռուսական մաֆիայի» երկու անդամ Լիտվացի կինոգործիչները Նարեկացուն նվիրված երկու ֆիլմ են նկարահանելու «Տգեղ կին չկա՝ կան չբավարարված ու չֆինանսավորված կանայք» - Եվա Ռիվաս Նախագահ Արմեն Սարգսյանը հանդիպում է «Ամուլսարն առանց հանքի» նախաձեռնության ակցիայի մասնակիցների հետ (ուղիղ) ԵԽԽՎ համազեկուցողները գալիս են Հայաստան Առողջապահության նախարարը կրճատում է առողջարանային բուժմանն ուղղված ծախսերը Ֆրանսիան ապօրինի է համարում ԱՄՆ-ի պատժամիջոցները Իրանի հետ գործակցող եվրոպական ընկերությունների դեմ
Հարցում

Հայաստանին 21-րդ դար, եւ ոչ թե 1937 է պետք

Երբ բոլշեւիկները ներխուժեցին Հայաստան, առաջին գործերից մեկը որ եղավ՝ իմ պապի հորեղբորը գնդակահարելն էր (հարուստ էր, մի քանի խանութ ուներ, դաշնակցական չէր) եւ հորը տանջամահ անելը (համարձակվել էր Ներսեսյան դպրոցում սովորել):

Այս դեպքերից ուղիղ 97 եւ Հայաստանի անկախության վերանվաճումից 26 տարի անց Երեւանի Հովհաննես Թումանյանի թանգարանում օգոստոսին ներկայացվեց «Խավարում» խորագրով ցուցադրությունը, որը նվիրված էր բոլշեւիկյան բռնաճնշումների հայ զոհերի հիշատակին։ Վերջիններիս թվում են նաեւ Հովհաննես Թումանյանի երեք որդիները: Ցուցադրությունը, սակայն, որը նախատեսված էր ներկայացնել մինչեւ ուշ աշուն, փակվել է։

Նման ցուցահանդեսները փոքրիկ մխիթարանք եւ սփոփանք են բոլշեւիկյան բռնաճնշումներից տուժածների համար: Վերջին հաշվով, բռնաճնշումները միայն սպանությունները եւ աքսորները չէին: Իմ պապն ամբողջ կյանքը ապրեց մեղքի մեծ զգացումով, որ ընտանիքն աքսորից եւ իրեն գնդակահարելուց փրկելու համար թույլ տվեց քանդեն գյուղի եկեղեցու զանգակատունը (հրաշքով թույլ չտվեց շենքն ավիրեն, համոզելով, որ ցորենը պահելու տեղ չունեն), եւ որ հողի տակ պահեց կամ այրեց հագեւոր գրականությունը, այդ թվում՝ Աստվածաշունչը:

Հիմա ի՞նչ պետք է անենք ես եւ մյուսները: Եթե լռենք, կստացվի, որ թույլ ենք տալիս 1937 թվականը սողալով հաստատվի մեր ներսում: Երբ Հայաստանը վերանվաճեց անկախությունը, եւ բոլշեւիկյան կարգերը տապալվեցին, վստահ էի, որ խավարը Հայաստանից առհավետ հեռացավ, վստահ էի, որ իմ մեծ պապերի, պապերի հոգիները որոշ հանգստություն կգտնեն:

Հիմա մշակույթի բավական երիտասարդ փոխնախարարը՝ Արեւ Սամուելյանը, որը պնդում է, որ 30-ականների հալածանքի զոհ է դարձել, առանց խղճի խայթ զգալու փակում է վերոհիշյալ ցուցահանդեսը, երբ այն բաց է եղել 22 օր: Սա մեր ժամանակների ամոթն ու խայտառակությունն է:     

Հայաստան, իբր 21-րդ դար, անկախ պետություն եւ մի փոխնախարար, որն ասում է, թե ցուցահանդեսի կազմակերպիչները մեզ հետ չեն ճշտել բովանդակությունը: Լավ, չե՞ք ամաչում, ամոթի զգացում չունե՞ք:

Ինչո՞ւ պետք է ցուցահանդեսի կազմակերպիչները ձեզ հետ համաձայնեցնեն ցուցահանդեսի բովանդակությունը, թե՞ ձեզ թվում է դուք Սուսլովն եք, իսկ մենք էլ ԽՍՀՄ-ում ենք: Արեւ Սամուելյանն «Ազատության» հետ զրույցում պարզաբանելով այդ որոշումը, հայտարարել է, թե ցուցադրությունը «քաղաքականացված էր», եւ միայն որոշակի շտկումներից հետո հնարավոր կլինի այն վերականգնել: 

Եթե այս հայտարարությունը աներ Հունգարիայի, Էստոնիայի, անգամ Նեպալի փոխմախարարը, ապա հաստատ պաշտոնանկ կարվեր, իսկ մեզ մոտ չի կարելի ոչինչ քաղաքականացնել: Եւ չենք զարմանա, որ մի օր Ազգային ժողովում ինչ որ մեկն ասի՝ մի քաղաքականացրեք:

Իրավիճակի ամբողջ խայտառակությունն ամփոփված է Արմեն Ամիրյանի այն հայտարարությունում, թե Հայաստանի մշակույթի նախարարության բոլոր ՊՈԱԿ-ները պարտավոր են մեկամյա կտրվածքով իրենց ցուցադրությունները համաձայնեցնել նախարարության հետ։ 

Ինչ որ ուժեր համառորեն ցանկանում են Հայաստանը խցկել 1937 թվական եւ թույլ չեն տալիս, որ 21-րդ դարը հասնի Հայաստան: Առանց ազատականացման չի կարող առաջընթաց լինել: Գաղափարը, միտքը, նախաձեռնությունը ճնշելը, բյուրոկրատական մամլիչով սեղմելը մեղք է եւ հանցագործություն ներկա եւ ապագա սերունդների հանդեպ:

Մշակույթի նախարարությունը պետք է խրախուսի, նպաստի ցանկացած նորարարության, նախաձեռնության իրականացմանը, եւ ոչ թե խորհրդային ժամանակների ոճով եւ ոգով գրաքննիչի դերակատարում ստանձնի: Այս իրավիճակում նախարարությունը պետք է ներողություն խնդրի արգելքի համար եւ վերաբացի ցուցադրությունը: Ցավոք, հասարակությունը պասիվ է եւ գրեթե անտարբեր: Սա էլ ապրիլյան խայտառակ ընտրությունների հետցնցումների արդյունքն է:

Ցուցահանդեսի փակումը մեր օրերի իրողությունների արտացոլումն է: Այսպես ճնշվում է առաջընթացին, զարգացմանը միտված ցանկացած քայլ եւ առաջարկ: Այսպես խեղդվում է սթափության կոչող ցանկացած խոսք եւ մեկնաբանություն: Ժամանակին Անդրեյ Սախարովը հետադիմական ուժերին բնորոշեց որպես ագրեսիվ հնազանդ մեծամասնություն: Հիմա, ցավոք, մենք նույն վիճակում ենք: Եթե հակառակը լիներ, ապա այսօր, երեկ, վաղը մշակույթի նախարարության մոտ տասնյակ հազարավոր մարդիկ կհավաքվեին՝ մտավորականների, արվեստագետների գլխավորությամբ:

Հովհաննես Թումանյանի երեք զավակները դարձան բոլշեւիկյան բռնաճնշումների զոհեր: Այսօր նրանց եւ մյուս զոհերին նվիրված ցուցահանդեսը փակվում է: Ո՞րն է հաջորդ քայլը: գուցե ճիշտ կլինի տուն-թանգարանի փակումը: Գուցե Արեւ Սամուելյանի մտքով անցնի, որ թանգարանի գոյությունը քաղաքականացված է: Իսկ գուցե բռնաճնշվածների սերունդներին զրկեն Հայաստանում ապրելու, աշխատելու իրավունքից, դա դիտելով որպես քաղաքականացված գործընթաց: 

Անկախության վերանվաճումից հետո, ժողովրդավարական կարգերի հաստատումից, մասնավոր սեփականության վերականգնումից հետո ես գլուխս բարձր էի քայլում ոչ միայն այն պատճառով, որ իմ երկիրն անկախ է, այլ որ իմ նախնիների արյան հեղումը հենց այնպես չանցավ եւ նրանց հոգիները հանգստության մեջ կլինեն: Հիմա ես նորից գլխիկոր եմ քայլում: Հասարակությունն անտարբեր է, որ ցուցահանդես է փակվում, իսկ անկախ Հայաստանում իշխանության ղեկին մի ուժ է, որը գործում է խորհրդային ամենավատ տարիների՝ երեսունականների ոգով:

Ո՞րն է կառավարության, նախարարությունների նպատակը՝ ճնշե՞լ, արգելե՞լ, փակե՞լ: Իսկ ի՞նչ է լինելու հետո: Հետո գալու է մեծ դատարկությունը:

Ամենադաժան սցենարներից խուսափելու համար պետք է արագ սթափվել: Հիմա խոսում ենք մշակույթի ոլորտից, բայց այլ ոլորտներում նույն վիճակն է: Եւ ի՞նչ է պետք անել: Սկսենք մշակույթից: Ազատականացրեք մշակույթը: Թույլ տվեք ով որտեղ ինչ ուզում է ցուցադրի, եթե իհարկե այն ռասիզմ կամ բռնություն չի քարոզում:

Թարգեք ստուգելը, տուգանելը, ճնշելը, վախեցնելը, սպառնալը: Մնում է՝ մտնեք թանգարաններ եւ ստիպեք հավաքել բոլոր այն կտավները, որտեղ մերկ կանայք են պատկերված, չնայած, ինչ որ նման բան արդեն իսկ եղել է:

Սկսենք մշակույթի ազատականացումից, ապակենտրոնացումից: Սկսենք եւ տեսնենք, թե ինչպես է սկսում շնչել հասարակությունը: Թույլ տվեք, որ քսանմեկերորդ դարը մտնի Հայաստան: Մեզ նոր 1937 թվական պետք չէ:

Գեղամ Նազարյան

Քաղաքագետ 

 

 

 

 

 

 

 

website by Sargssyan