Գնաճը Հայաստանում 2021թ. առաջին կիսամյակում կազմել է 5.7 տոկոս. ֆիննախ
Տարին առանձնահատուկ էր գնաճի բարձր տեմպերի իմաստով։ Այս մասին ԱԺ ֆինանսավարկային եւ բյուջետային հարցերի մշտական հանձնաժողովի նիստի ժամանակ, սեպտեմբերի 27-ին, 2021թ. առաջին եռամսյակում պետբյուջեի կատարման մասին հաշվետվության քննարկման ընթացքում ասաց ՀՀ ֆինանսների նախարար Տիգրան Խաչատրյանը:
Նախարարի խոսքով՝ դա իր պատճառներն ունի։
«Գնաճը Հայաստանում 2021թ. առաջին կիսամյակում կազմել է 5.7 տոկոս։ Այսպես, մթերային և ոչ ալկոհոլային ըմպելիքները թանկացել են 7.7 տոկոսով, ալկոհոլային ըմպելիքները և ծխախոտի արտադրանքը՝ 9,1 տոկոսով, ոչ պարենային ապրանքները՝ 7.9 տոկոսով, իսկ այս կամ այն սպասարկման սակագինն ավելացել է 2 տոկոսով»,- նշեց Խաչատրյանը։