«Ի նշանավորումն հայոց գալիք հաղթանակի» արձանագրությամբ խաչքար օծվեց Տավուշի թեմի առաջնորդարանի և Արևիկ կենտրոնի բակում
Ի ՆՇԱՆԱՎՈՐՈՒՄՆ ՀԱՅՈՑ ԳԱԼԻՔ ՀԱՂԹԱՆԱԿԻ արձանագրությամբ խաչքարն օծվեց Տավուշի թեմի առաջնորդարանի և Արևիկ սոցիալ-կրթական կենտրոնի բակում, ու կատարվեց եկեղեցու հիմնօրհնեքի արարողություն Աստվածամոր Ավետման տոնին։
«Մենք ոչ մի այլ տեսիլք չունենք, քան ամեն ինչի նկատմամբ մեր հաղթանակը՝ հոգևոր իմաստով, մարմնավոր իմաստով, մտավոր իմաստով՝ մեր կյանքի բոլոր բնագավառներում և ոլորտերում։
Այսպես պիտի մենք ապրենք։ Ամեն օրը մեզ համար պիտի դառնա հաղթանակի օր․ կարուձև ենք անում, նկար ենք նկարում, աղոթք ենք անում, ինչ որ անում ենք, ամեն արածը պետք է լինի հաղթանակի քայլ՝ փոքրից մինչև մեծ։
Այդպես պիտի ապրի յուրաքանչյուր հայ մարդ, որպես մարտիկ պիտի ապրի, կարծես ամեն օրն իր վերջին օրն է այս երկրի վրա» - Բագրատ Սրբազան։