Իրանի ՌՕՈՒ-ն ներկայացրել է երկրում առաջին մարտական լայնաֆյուզելյաժային Kaman 22 ԱԹՍ-ն
Իրանի ՌՕՈՒ-ն այսօր ունի տարբեր տեսակի ԱԹՍ-ներ կառուցելու տեխնոլոգիաներ, եւ Kaman 22 անօդաչուները երկրում առաջին մարտական ծանր ԱԹՍ-ներն են, հայտարարել է Իրանի ՌՕՈՒ հրամանատար, բրիգադի գեներալ Ազիզ Նասիրզադեն, փոխանցում է Mehr-ը:
Նշելով, որ Kaman 22 ԱԹՍ-ի վրա աշխատանքն ավարտական փուլում է՝ գեներալ Նասիրզադեն հայտնել է, որ Kaman 22 դրոնը երկրում առաջին լայնաֆյուզելյաժային մարտական անօդաչու թռչող սարքն է, որը կարող է տեղափոխել ամեն տեսակի բեռներ՝ թռիչքի անչափ մեծ տեւողությամբ եւ թռիչքի 3000 կմ հեռավորությամբ:
Ունենալով տարբեր «խելացի» ռազմամթերքներ՝ անօդաչուն ուժերին կապահովի մեծ մարտական հզորությամբ, ասել է Նասիրզադեն՝ հավելելով, որ այն կարող է նաեւ նույնականացնել, հետեւել եւ տեղեկություններ հավաքել ու լուսանկարել հեռավոր թիրախները: