Իշխանական «Իմ քայլը» խմբակցությունը տապալեց ԱԺ նիստի հրավիրումը. Իվետա Տոնոյան
ԱԺ ԲՀԿ եւ «Լուսավոր Հայաստան» խմբակցությունները նխաձեռնել էինք ԱԺ-ի արտահերթ նիստ, սակայն ինչպես ակնկալվում էր, իշխանական «Իմ քայլը» խմբակցությունը տապալեց այդ նիստի հրավիրումը: Այս մասին, այսօր՝ փետրվարի 25-ին, Բաղրամյան պողոտայում հանրահավաքի ժամանակ հայտարարեց ԲՀԿ խմբակցության պատգամավոր Իվետա Տոնոյանը:
«Ժամը 18-ին պետք է տեղի ունենար ԱԺ խորհրդի նիստը, սակայն իշխանական խմբակցության պատգամավորներից որեւէ մեկը չներկայացավ նիստին: Սա նշանակում է, որ իշխանությունը բացառում է իր հեռանալու քաղաքակւիրթ ճանապարհը: Այսօր էլ վարչապետի աթոռին սոսնձված անձը անամոթաբար հայտարարում է, թե պատրաստ է քաղաքական երկխոսության: Եթե պատրաստ էիր, ապա հանձնարարեիր ԱԺ-ի քո խմբակցության պատգամավորներին, որ գային եւ տեղի ունենար արտահերթ նիստը: Բայց դուք այն կարգի եք վախենում իշխանությունը կորցնելուց, որ անգամ ժողովրդի մեջ քայլելուց 6 շարք ոստիկանական շարքի ուղեկցությամբ եք քայլում»,-ասաց Տոնոյանը: