Նիկոլը՝ խմած, Գռզոն ահավոր վախեցած, «Իմ քայլը»՝ պանիկայի մեջ. Արամ Գաբրելյանովը Տիրան Խաչատրյանի ազատման մասին մանրամասներ է հայտնել
Ռուսաստանաբնակ մեդիամագնատ և հրատարակիչ Արամ Գաբրելյանովն իր տելեգրամ ալիքում անդրադարձել է ՀՀ ԶՈւ ԳՇ պետի առաջին տեղակալ, ՀՀ Ազգային հերոս, գեներալ-լեյտենանտ Տիրան Խաչատրյանի ազատմանը:
«Նիկոլը երեկոյան խմեց, հիստերիկությունը դրեց և սկզբից ազատեց Գլխավոր շտաբն ամբողջությամբ այն բանի համար, որ հրաժարվեցին հերքել «Իսկանդերների» մասին իմ տեղեկատվությունը: Մեկ ժամ հետո նրա տուն եկավ Գռզոն (Խաչատուր Սուքիասյանը-խմբ.) և ստիպեց փոխել հրամանը: Գռզոն ահավոր վախեցած էր և վախեցավ, որ Օնիկ Գասպարյանը հրաման կտա ձերբակալել դավաճանների ողջ վերնախավը: «Իմ քայլի» էլիտան պանիկայի մեջ է:
Ի դեպ ազատված ՀՀ ԶՈւ ԳՇ պետի առաջին տեղակալ Տիրան Խաչատրյանը պատերազմի ժամանակ արժանացել է Ազգային հերոսի կոչմանը և եղել է ադրբեջանցիների և թուրքերի համար առավել վտանգավոր ռազմական ղեկավարների ցուցակում», - գրել է նա:
Հիշեցնենք, որ ավելի վաղ Yerevan.today կայքը հրապարակել էր հարցազրույց ԶՈՒ ԳՇ պետի առաջին տեղակալ, ազգային հերոս Տիրան Խաչատրյանի հետ, որում մասնավորապես նշված էր, որ ԳՇ պետի տեղակալը ծիծաղել է՝ լսելով «Իսկանդեր»-ի 1 կրակոցի 10 տոկոսով պայթելու մասին և հավելել, որ դա լուրջ չէ:
Վերոնշյալ հարցազրույցից հետո ՊՆ-ն պարզաբանում տարածեց առ այն, որ Yerevan.today կայքում հրապարակված հոդվածում խեղաթյուրվել է Տիրան Խաչատրյանի հետ հեռախոսազրույցի բովանդակությունը: